شيلوهاااا..!!
بسم الله الرحمن الرحيم
صباحاكم \ مساؤكم يزهوا بألوان الحياة البرّاقة.. تلوّن بياض قلوبكمـ فتبهجكمـ ..
اليوم تركت لساني ينطق وليس قلمي.. فجئتكمـ بالعامية لانني لم احتمل ان انمّق الحروف..
المهم كل المهم عندي أن تصلكم الصورة وااضحة.. ولا أخالها غريبة عليكمـ..
'~'
:
:
:
تفصخي.. تفصخي..
مزهوة وقلدي..
وترجمي ثقافة للكفر باتت مطلبي..
تفصخي..
شيلوهااا.. ^_______^
ماضربت فيوزاتي ولا شيء.. بس هذا نشيد (السوق) قالي اياه يوم رحت أمس.. '~'
ربّما يكون جهاد من نوع آخر..
تصدقون السوق كان فيه أشياء مررره ذووق.. ومرره كيووت.. ومرره نايس.. << تقولها بدلع مصطنع
بس مالقيت شي أشتريه..
قسم بالله صرت أشيل هم لبس العيد من أول الاجازه.. << أكيد فيه مثلي كثير.. والله لايشغلنا عن طاعته ع قولة الماما بس أحب أذكّر الجميع أنّنا بناااااااااات
مو طبيعيين وربي..
معاد فيه تنانير تحت الركبه الا أشياء من قبل قبل قبل العام يوم ان فيهم حبتين خير واحنا باقي يروضونا بالتدريج عشان اذا جابوا ذا الي بسم الله علينا نلبسها..
بيجيك عاد واحد مسوي متفهم ومنصف ويقول.. لا يا أنين وش دعوه في محلات معروفه _بدون ذكر أسماء_ تنزّل في كل موسم تناير طويله
أقوله صدقت ياطويل العمر لكن هذي يبيلي أصفطها مرتين عشان تصير ع مقاسي << ودك يحطون من ذي في ذيك عشان تتوازن الأمور ^^
والا يروحون يشوهون أمّينها تلقى من نفس التشكيله طويله وقصيره اللون والقماش واحد لكن الموديل ياحسين ياعجيب
ما أدري يعني لها الدرجه احنا مانستاهل يسوون لنا شي زين.. والا ماعندنا ذوق..
والا يخافون نتستر الله يستر..
والفساتين عاد أمرها عجييب..
عليهم طول عيال اللذينا.. ان لبست معاه بنطلون طلع قروي.. وان خليته لحاله الله لا يفضحنا.._طبعا فيه طول يمشي معاه البنطلون لكنه يتوفر بالقطاره_
فالأذكياء وش سوو ؟! نشروا حركة الماسك ( السترتش ) وهات ألوان وأشكال
اسم انه ماطلع الجلد يعني_ انتوا تلعبوا على مين يا ابني؟!_
وقد انها طالت وشمخت السالفه والفساتيه قصرت وشمرت ايضا..
وصارت نص الفخذ مع الشراب الطويييل الشفاف_ياعيني ياعيني_
واقطع يدي اذا مو السنه الجايه حذفوا الشراب..<< حذفوه وقضوا ياعمّه..
وهنا تتوجه جميع مشاغل المملكه بالشكر الجزيل والثناء العميق لتلك المحلات.. حيث ارتفعت الأرباح بنسب هاااائلة نتيجة الضغط على الصنفره والتقشير والمنيكير والبديكير واللزي منووو
^_________________^
بالعربي كذا.. لاقين أحد يخفّون عليه..
بصراحه شي يضيّق الخلق
ولا رضيت فيه أبد ولو أكتب مليون صفحه مايطلع كل الي في خاطري
ما أدري.. يرضيكم؟!
على فكرة..
يقولون أن الحياء صار موضة قديمة يابنات حواء.. هو صدق؟!
'~'
تدرون عااد..
يــــــــــــــــــــــــ ــــــــــــــــــــااا راجووو كم ســوي تنـــوره؟
كتبته في ..
٦/٩/١٤٣١
،،،،،،،،،،،،،،،،
كان المفروض ينزل ذالموضوع قبل العيد.. لكن مافيه مشاكل.. لأن مادام فيه
اجازة معناته ما زلنا نحتاج لمشاكل<< أووه قصدي ملااابس.. '~'
على فكرة عندي خطّة حلوة.. ^___^ اذا اشتريتي تنورة (سكني) من تحت
سفطتها طويلة << لها اسم بس والله ما ادري وشّو..
المهم تقريباً (شبر) ودّيها لراجو المذكور أعلاه وخليه يفكّها ويضبّطها وبيطلع طولها كويّس.. خصوصاً للي ماهنا زود طول :) << واضح انّها ماسوّتها ابددد ^^'
،،،
عرضت الموضوع قبل انزله على وحده حلوة.. :)
قالت بزيدكـ من الشّعر بيت..
((
وأنا في دبنهامز وحده مع أمّها تقول لها ماما وش رايكـ في هالفستان لحفلة الـ دي جي..
طبعاً نص الفخذ..
قالت مو هذا أحلى << يقالّكـ أطول شوي..
قالت مااااااااااماااااااااا الحين أقولّكـ هذا وتقولين ذاكـ بشيء من الاستنكار..
))
أقول.. افلحناااااااااااا..
يااارب الستر..
لكمـ جل محبتيـ
و
تحيتيـ
،،،،،،