[align=center]سيكم بالخير ....
وش الاخبار طيبوووووووون كل ابوكم .. ؟
المهم ماني مكثر الحي زي كل مره ..
بس اشتقت لطقطقة صويبعاتي بالكيبورد .
وتخبروون الكيبورد يوم انتثر عليه بيبسي تويست
ماقام يكتب زين .
اليوم قررت إني اغسله وانظفه عشان اجيب لكم كم سالفة ..
السولافة اليوم عن الباندا اللي يصورون فيه ..
مو الباندا الدب .. لانه لازم تعرفون الفرق بين الاثنين :)
والفروق كثيره ..
ان جوال الباندا .. يصور فيه
ودب الباندا .. مايصور فيه .
<== قل قسم
اختلاف ثاني .. وهو
ان جوال الباندا .. وزنه اقل من كيلو
ودب الباندا ... حوالي نص طن :)
اختلاف رئيسي ..
جوال الباندا .. عندنا بالسعوديه
دب الباندا .. مايوجد عندنا بالسعوديه .
<== قل والله .. ماودك تخلص بس .
واخيرا ..
ان جوال الباندا .. يوجد مع البنات والرجال
دب الباندا .. يوجد بحديقه الحيوانات :)
((( تصفيييييييييييييييييييييي ييييييييييييييييييق للاخ بدوري )))
<== مو متسطر اليوم ابد ابد :)
المهم مالكم بالطويله .
كما هو متعارف عن لقافة بعض الشباب والبنات اللي يصورون بالباندا .
واغلبهم من الكائنات المعدومه الاحساس والطيبه .
مساء مايليق إلا باحبابه ..
<= تراه يسفهل بسرعه ويخش
المهم لامن طلعت عن الموضوع قولوا لي شئ وإلا خلو احد ( يتنحنح )
عرفتوا شلون . وش كنا نقول ... ؟؟ لحظه خلوني اطلع فوق شوي لآخر شئ كتبته
ايييييييييه ..
فـ بديت بجولات وصولات بالنت وبيوت خلق الله عشان اجيب لكم كم
صوره من الجوال هذا ..
طبعا اهي بعضها صور قديمه شوي بس تراه كان من اول طالع الباندا .
يعني قبل خمسين ستين سنه .. <== طيب اكتب ارقام انت وخشتك .
وكانوا من اول مايعطونه البزراين والحريم .. عشان مايستخدم لشئ ثاني .
حتى قد قريت خبر انه من اول قبل 80 سنه <== احلى كتب رقم
مسكوا واحد راعي حمار يبيع قماش يقولون مخلي الحمار يبلع 500 جهاز
باندا وجهاز الدمعه عشان يهربه من رماح للرياض ....
ياهو مجرم ..<<== خخخخخخخخخخخخ
فـ تعرفون ان بعضهم يصور اهله وإلا اخوياه يصورون بعض ..
لذلك نخليكم مع الصور شوي وكل صوره مكتوب قبلها مكان ووقت التصوير ..
الصوره الاولى لمكان مسك المهرب (راعي الحمار ) وهو بمنطقه نائية
قرب رماح من ضواحي الرياض ..
الصوره الثانية لشرطي اللي مسك راعي الحمار واهو يهرب .جوال ابو كاميرا ..
بس خلو عنكم كلش ولا الصقر اللي راكب بالمرتبه الثاني بالحصان وعلى فكره
الصقر هذا يقولون انه رابي مع دجاج .. ويقولون انه خبل ومايعرف يطير إلا بعد
الطقاق .. لا ومن زين الطبايع يقولون انه يقشم حب اوقات الفراغ..
الصوره الثالثة لمركز الشرطه بعد اقتياد المجرم المهرب الجبان الخسيس الخاين
اهببببببببببب ياوجهه ..
<== ماني بقايل لكم تنحنحوا لاطلعت من الموضوع ؟؟؟
ويظهر بالصوره البوفيه اللي بقسم الشرطه والعامل اللي جاي بدون اقامه
يشتغل بالبوفيه .. حتى اذكر انهم يقولون واحد تسمم عندهم كان بيآكل تمره
واكل (( خنفس ))
المهم ماعلينا .
ويظهر بالصوره في الوسط تمام احد المراجعين ويبدوا وجهه الذي يبدوا كانه
مآخذ مخالفة مرور لوقوفه خطأ بالمستشفى العسكري بدون مايدري .
الصوره الثالثة وتظهر فيها احدى مزيونات البدو وقد خدش حيائها هذا الجوال
بعد ان تم تصويرها وهي داخل على محل ابو ريالين تبي تشتري لفة فاين
للحمام ( الله يعزكم ) وكانت تبي تمر محل اتصالات عشان تركب وجه جديد
لجوالها ولكن على غره منها قام صاحب المحل بالتقاط صوره لها ..
الصوره الرابعة .. وقد اخذت في احد الإستراحات ويظهر فيها الرعب اللي يسببه
الشباب للبعارين والاغنام جراء القيام بمذابح جماعية لهم كما هو ظاهر بالصوره ..
المشكله ابي اعرف الثالث من اليسار وش تبي الخصله اللي نازله من تحت الطاقيه ؟؟
والجهة الثانية من الصحن فيها (( صنهات )) فارس من فرسان البدو . وصنديد لا يقاوم
ولكن عنده مشكله وهي ان وجهه كانه ( موطى خبل ) فلذلك لم يتم تصويره بناء
على رغبة منه .
[img]http://kokonono.********************************************/zoze.JPG[/img]
الصوره هذي تظهر مدى اهميه مراقبة الاطفال وعدم ترك الجوال معهم ..
لان الرجل وكما يظهر كان حاط الجوال يشحن ولقطه بزره وطق له صوره اهو
والمدام .
[img]http://kokonono.********************************************/zoze2.JPG[/img]
بالصوره هذي فنان شعبي ولكن هضمه الإعلام من قبل فـ اضطر إنه يستخدم
الباندا لتصويره عشان ينتشر وتزيد شعبيته ..
وهنا بالصوره يظهر واهو خاش جو ومفهي مع اغنيه حزينه من كلمات تركيه
والحان جزائرية ..
الصوره الاخيره لشاب لطيف كان طموحه يصير سواق باص او سواق تريله ..
ولكن تتكسر الطموحات على عقبات ديوان الخدمة المدنية ..
يقولون انه مقدم على العسكريه رتبة جندي .. والظاهر يبي له واسطه ..
واللي واقف عنده اخوه حلف إلا يتصور وإلا يعلم ابوه انه يتتن .
[img]http://longines3211.********************************************/gd-20.jpg[/img]
في الصوره هذي ... كان من اول يفحطون على الدداسن .. وهذي الصور
مسجله بجوال الباند .(( وجه من المدرجات ))
[img]http://longines3211.********************************************/gd-27.jpg[/img]
وهنا صوره للمشجعين من مدرسة ابتدائية بالحارة اللي وراهم
[img]http://longines3211.********************************************/gd-25.jpg[/img]
وهذي الصوره صورها صديقه عشان يعلم عليه ابوه انه يتنن من هو
بزر ... لا ومن زين الطبايع كل راسه مفلق وكاسر لمبه جيرانهم قبل
التقاط الصوره بنص ساعة ..
[img]http://longines3211.********************************************/بدون%20عنوان.JPG[/img]
فـ يااخوان الي معه جوال باندا يبيعه ويشتري بيجر ازين له وارخص ..
إلى على طاري الباندا والدمعه .. كم يسوى الحين .؟
<==يروح يشتري ..
خخخخخخخخخخخخخخخخخخخخ
بدوووووووووووووووووووري[/align]
رد مع اقتباس
تمساحـً .. وإن جــار الزمـنـ 
