افتقدتك يا بعد كل البشر ويا هنى روحي وفالي
مثل طفل بالمهد يبكي وماتت عنه أمه
آه لو تدري عقب ما رحت عني وش جرى لي
ما بقا لي غير فستانك على صدري أضمه
وآه لو تدري وش اللي جرحت فيني الليالي
أوغرت جرح المفارق والحشا غارق بسمه
والفكر مشغول فيك وما هجد يالزين بالي
آتخيل كيف حالي دونك وكيف المطمه
يا بعد روحي وعمري ويا بعد من كل غالي
لا تحاتي وش جرالي ولا يشيل البال همه
خلك بشوقك وهمك يا هوى لا لا تبالي
وما بغيت أبشر وآمر .. مشتهاك أشر وسمه
لك حياتي يا حياتي ولك بعد روحي ومالي
ولك خفى قلبي وشريانه ولك يا شوق دمه
موت واحشني وربي والسفر أثر بحالي
صرت أهوجس في خيالك كلما شوفه ألمه
لا تطول يا حبيبي وقد تعودتك قبالي
ارجع وشوف كيف حالي وريح الخاطر وغمه
خانت الدمعه عيوني وانزلت من غير والي
شف حبيبك عقب بعدك يمسح الدمعه بكمه
أنتظر ترجع حبيبي قبل ما يدني زوالي
مفتقد طعم الجمال وأنت يالمزيون عمه
للأمانه الإعلاميه م ن ق و ل