ياولد يحيى هنيك يوم وافتك المنيّه
موتتك موتة شرف ياخوك ماهي من بلاوي
ب رمضان ومعتمر وف ليلة فيها أفضليّه
حلقت روحك إلى رب السما والليل ضاوي
ياجعل ربي يغسلك ف المياه الأخرويّه
وأنت تلعب في قذال الحور لكن منت غاوي
واهنيه إييييه والله أشهد إنه واهنيّه
من تقلّب ف الهنا تقفل له أبواب البكاوي
هو عطيه جت من الله نعم والله العطيّه
ثم أخذها بحكمته.. بس مالنا غير الدعاوي
أصبروا يال الجهيمي والصبر مثل المطيّه
من ركبها فاز والا بات في حال الشقاوي
ياخي وش لك ف الحياة وعيشتن فيها أذيّه
الضغاين, والشتايم ,والهزايم, والهزاوي
خلك بكبد السما ترقب حياة سرمديّه
من يساوي جنة الله في حياته من يساوي !!!
خابر إن الجرح كايد وأعرف الضربه قويّه
والاجر قدر المصيبه ولابد إنك تكون قاوي
يابو عبدالمحسن أصبر.. وأعرف إن نفسك رضيّه
مير مالك غير رب الكون هو الي بس ياوي
يالله إني طالبك تطيل فأعمار البقيّه
محسن وإخوانه الشجعان راعين الهقاوي
ولاعليكم قصور
ملف صوتي للقصيدة:
سعد بن عثمان العثمان
رد مع اقتباس
-new.gif)
المشاركة الأصلية كتبت بواسطة سـامـيـه
