~¤©§][ قل رأيك بدون خجل فالموضوع حساس][§©¤~

[ملتاع]

الموقع : الرياض - السوق – محل لبيع الملابس النسائية
التوقيت : بعد صلاة العشاء
المشهد : اكثر من عشرين امرأة لايوجد بينهن رجل الا الأجنبي الذي يبيع في المحل ( وسيم ولايعتدى عمره الـ 25 ) ،، يعرض لمجموعة منهن بكل بجاحة وبكل خبث ملابس داخلية نسائية ليبين لهم جودة القماش وجودة المطاط .. وتظهر عليه حركات خبيثة وابتسامات ونظرات مثيرة .. تقابله ابتسامات واستفسارات من هالبنات اللي عنده !!!!

لما شفت هالمنظر من جد اقشعر جلدي وحسيت بضيقة واللي قهرني اكثر انهم لما شافوني اناظر ومستغرب الموقف ناظروا لي بنظرة كأني انا قليل ادب اللي اناظرلهم كذا .. لا والأدهى والأمرّ واللي هو اكثر سبب خلى المشكلة تكبر بعيني ان فيه رجال مطوّع بجنبي يوم شافني قعد يقول لي خاف الله لاتناظر محارم الناس .. قلت يللللللللللللعن ابو الغيرة اللي عندك الحين انا حرام علي والكلب اللي جوا ماعليه شي .. امممم العقلية اللي عند هالعالم .. الى هالدرجة وصلت السذاجة والدلاخة وامتهان الناس لنا واستخفافهم بعقولنا،، لهالدرجة انتشرت صورة ان الاجنبي طاهر وحبيّب .. ملك من الملائكة واي سعودي .. شيطان وذئب بشري وينخاف منه ..


الموضوع ليس سلعة تنعرض وتنباع وانتهى الموضوع ،، ليه شاب أجنبي يبيع ملابس النساء الداخلية في اسواقنا ولمحارمنا .. ويخلو بهن احيانا .. ليه نعتبرهم ناس مقدّسين رغم كل القصص والفضايح وغرف تغيير الملابس وشي نسمعه واشياء ماندري عنها .. الموضوع يمس كرامتنا وما اتوقع ان الجميع تبلّد احساسهم لهالدرجة ( رجال أو نساء ) .. كل النساء يشترون ملابس من هالمحلات وقليل تلقى رجال يدخل المحل حتى لو مع عياله بسبب زحمة الحريم اللي تصير داخل .. او لان اغلب الحريم يروحون للسوق سوا مامعهم رجل .. ويشترون من هالمحلات ..

أبي اعرف الحين : هاللي يصير مسؤولية من ؟؟ وين وزارة التجارة؟؟ وين اصحاب المحلات والمشرفين عن السوق؟؟ وين رجال الهيئة ؟؟ يعني كل هذولا راضيين عن اللي يصير .. والا ماهم داريين والا مسوين انفسهم مايدرون ..

ياوزارة التجارة :

مو محلات الملابس أشد وأكثر حساسية من محلات الذهب .. يعني المفروض يكون عمر اللي يبيع فوق الأربعين ؟؟ !!!!

يارجال الهيئة :

ترا فيه ذئاب بشرية .. وفيه ملاعين جد .. غير الشباب السعوديين اللي انتم طايحين فيهم جلد وتصفيق .. لاتصيرون ساذجين مثل غيركم !!!!!!

ياشباب ويارجال :

لاتودون اهلكم لأي محل واختاروا المحلات اللي يروحون لها .. الدنيا اليوم ماهي مثل أمس وبكرة مو مثل اليوم .. وبعد شوي مو مثل الحين والشر والخبث صار في كل مكان وكل زاوية .. وكل يوم اكثر من اللي قبله .. واحنا نايمين في العسل ..


--------------
فيه جوانب كثير للموضوع .. اتوقع ان المحور المهم هو اللي ذكرت اني شفته بالسوق ..

،،،،،،،،،،،،،،،،،،


تحيـــــــــاتـــــــــــ ـي


لاهميته ولعيون غرابيل تم نقله

[أمل عبدالعزيز]

الموضوع لايحتاج لرأي فهو واضح .........

لكن يحتاج لحل جذري وهو أن يتقين الله في أنفسهن هؤلاء النسوة فهو كافٍ.............

[عبدالمحسن]

سبق ان صدر قرار من مجلس الوزراء يحدد ان يكون عمر الاجنبي البائع في المحلات النسائيه

لا يقل عن اربعين سنه ...

ولم يطبق القرار لان كثير من التجار هداهم الله لم يفعلوه ... والدوله لم تتدخل لانفاذه



وان شاء الله البركه في اولاه الامر حفظهم الله في انفاذه ..



.

[ساهر4]

ملتاع
اولا وقبل كل شي المسؤلية على الجميع
سواء صاحب المحل أو الوزارة او .......... الخ
لكن وين صاحب الاسرة
وين الاب الي يسمح لهالبنات مو بمخاطبة امثال هذا البائع
بل سمح لهم بالتسكع في الاسواق وعرض انفسهن كسلعة رخيصة امام الجميع
وين القوامة ؟
كيف يسمح لنفسه بان ينزلهم في السوق ويذهب دون ان يكون معهن
وبدون حتى ان يرى ماذا يلبسن
دعوة الى جميع الاباء
أين القوامة ؟
اتقوا الله في اعراضكم
وانتبهوا قبل ان تقع الفاس في الراس
وما ينفع بعدها قول ياليت



ودمتم

[جود]

اخوي احس اللي تقوله يرجع لنفس البنت اللي قدامه
اذا كانت جديه وماعطته وجه اتحده يقرب لها
بس اذا كانت تتميع وتتغنج فحقها وماجاها

الف شكر اخوي لغيرتك على نساء المسلمين

[مجروحة الزمن]

هالنساء وين اهلهم عنهم

اذا هم راضين علي نفسهم هالشي واهلهم بعد عيل احنا مانلوم البائع لانه اجنبي وخبيث وتفكيره خبيث

نلوم انفسنا لاننا نروح عند هالاشكال

مشكور اخي ملتاع لطرحك المهم لهالموضوع

سلامي لك

[ملتاع]

[align=center]@.الرهيبة.@
مشرفتنا الغالية

صدقتي في كل ماقلتي فالحل بايدينا نحن
كلي شكر على حضورك الرائع المتميز

تحيــــــاتــــــــي[/align]

[بسمة امل]

والله اخوي كل بنت وتربيتها
المحترم محترم لو البائع سعودي او اجنبي
يعني اللحين عندنا بجده البنات صاروا بشعورهم وربي والطرح على الكتف
والمكياج الكامل وربي انا البنت اللي مثلها افتح فمي عندها شلون الرجال
او الشاب صاروا فب الكوافيرات مكياج خاص للسوق
موكل السعوديين اخلاق وشهامه
ولاكل الاجانب محترمين
وياليت كل الشباب (( اللي يتسكعوا بهالاسواق فيهم هالغيره ))
مشكور اخوي
سلامي ........اختك

[الجادل]

هلا بالملتاع

بس قولي لو يحطون سعودي يبيع كان خسر المحل لان

البنات مايتجرأون يشترون ملابس داخليه من سعودي

ومعك حق في كلامك....

واصلا لوتكون هالمحلات في أماكن خاصه بالنساء والله

يكون احسن...زي مملكه المرأه مثلا

[ملتاع]

[align=center]عبدالمحسن

اخي الغالي كم اسعدني تواجدك هنا
كلامك عين الصواب كلنا امل في ان يطبق القرار لعل وعسى يساهم في التخفيف لكن الا تتفق معي اخي الحبيب ان الامر متعلق بنا انفسنا فلو نزلنا مع زوجاتنا وامهاتنا واخواتنا لما تركنا الفرصة لهؤلاء ولا لغيرهم للتلاعب بالمشاعر والاعراض

تحيـــــــــــاتـــــــــ ــي[/align]

[نديم الشوق]

مراحب الملتاع

بعتقادي أن الآراء معروفة

و لكن نتساءل

ماهو الحل ؟


مودتي .

[سيف العز]

[align=center]هــل يــوجد حـل اصلاً ؟

موضوع جميل ويدل على غيرة الكاتب ,,

وتسلم عيونك حبيبي

تحياتي

سيــف[/align]

[ملتاع]

[align=center]ساهر4
شاعرنا المبجل

لاعدمناك وسلمت اناملك على ماسطرت بالتاكيد هذا هو انجح الحلول لكن لاحياة لمن تنادي الكل يتنحى عن المسؤلية وينسحب منها ويضعها على الاخر

تحيــــــــــاتــــــــــ ــي[/align]

[سمووره]

[grade="00008B FF6347 008000 4B0082"]أخي الكريم الملتاع

هنا يلعب دور تربية الوالدين في اأبنائهم

فوالله الفتاة المتربيه على الأخلاق والدين الإسلامي لايهمها أي شئ حتى لو كانت في وسط الذئاب البشريه

ان القاعده الاساسيه
تبدأ من البيت والاسره وتنطلق من المدرسه ويرعاها المجتمع


اذا كانت القاعده صلبه ومتينه وقويه
فلا يوجد اي خوف نهائيا على مستقبل الشباب والفتيات

ولكن كيف نوجد هذي القاعده

هذي القاعده
مصدرها التمسك بتعاليم الدين ومنبعها العقيده السليمه وتغذيها التربيه الصحيحه

ويحافظ عليها بالاخلاقيات الحميده

اذا توفرت هذي المتطلبات والشروط لهذ القاعده نكون ضمنا عقليه ناضجه تنظر للحياة بواقعيه

وتعطي كل شي حقه بدون زياده او نقصان

ولاتعطي القشور أي اعتبارلانها آخر اهتماماتها

ونكون زرعنا المناعه في القلوب وفي العقول
ضد اي عوامل خارجيه ولا يكون لها تأثير بأي شكل من الاشكال

الله يهدينا ويهدي شبابنا وفتياتنا لما فيه خير وصلاح للدين الإسلامي

شكرا لك ولغيرتك على فتيات الإسلام

سمووره[/grade]

[ناعمة]

الحل يرجع للبنت نفسها


يعني اذا حست انه بدأ يسوي هالحركات تصفقه كففففففففف


علشان يتادب المره ثانيه وبس