غريبه هذي الدنيا تفرق من غدو اصحاب
بـــعد ماكان كـــل واحد يكون النصف للثاني
تصدق يارفيق الدرب ياوافي في زمن كذاب
انا من يوم ودعتــــك وانا اعزفـــك بألحــاني
على بالي تجي دايم وطيفك يوم ابد مـاغاب
عساك بخير ومستانس وعايـش بالحياه هاني
حسافه وينها ايامك وليـــل ٍ بـــه لقانــــا طاب
ووقت جنانا يحليه يزيد جنــانـك جنـــانـي
غريبه ليــه ماتسال وليـــه كل شي عنك غاب
لا صوتــك ولا مرسال يزيــل اشواق وجدانــي
معقوله نسيت الود وعلى الماضي قفلت البــــاب
سهيت بدنيتك بالحيـل وعادي لــــو بتنسانـي
كذا مـره بغيت اسأل مـــن باب اننـا اصحاب
وارد نفسي عـن الواجب واقـول ارتاح بغيـابي
تصدق او تكذبني تـرى شوقي انـا غـلاب
وتــرى مابيننا اكبــر مـن انـك بسـرعه تجفانــي
بغيت اسكت عـن اشواقي ولا افتح للعتاب ابـواب
ولكن غيبتك طالـت وشوقـي هيض اشجـاني