السلام عليكم ورحمة الله وبركاته
مسآكُم../وصبآحكُم طِيب..،
|مُصآفحَه تزْدآن بإطلالآتكُم آلعذبَه|
[poem=font=",6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
كلن تفاخر في هله والقبيله=وانا اتفاخر بالـ(هموم) الأصايل
"أحزان عمري"بالسنين العليله=تاقف مع ..القلب الندي..عن قبايل
هي عزوتي..هي كل دار انتمي له=هي صملتي..والحظ خايب ومايل
هي حيلتي..لانام جفن الوسيله=نوبٍ أصحّي فيه..ونوبٍ أحايل
مالي على رد المقادير حيله=الجرح أوفى ..من عما فرْح زايل
دربٍ يعاندني على قطع ميله=تشهدْ لِرجلي فيه..عين الرحايل
العز مهما طال عندي دليله=أرقى رجومه ..واحتزم بالفعايل
مكسب (ونعْم البنت) نعْم الحصيله=اعدا نجاحي ..من وراها قتايل
وهبت نفسي للمعالي حليله=وانجبت من طيب المكارم سلايل
وحدي جعلت من الأسامي جليله=ووحدي زرعت الظلّ..في جو قايل
أفخر بفعلي .. والحيا ..والفضيله=وتفخر (بـ..اريج الجود) كل المثايل
وان كان مالي إسم يسوى قبيله=حرام مافخر في عموم القبايل
[/poem]
دُمتُم بسعَادَهـ