تحية طيبة
وكل عام وأنتم بخير
يسعدني الإنضمام إلى هذه الكوكبة الجميلة في هذا الصرح الشامخ بشموخ القائمين عليه
كما أرجو أن أكون خفيف الظل وأن أقدم كل مايرتقي إلى ذائقتكم
غــــــابت
[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يالسهام اللي جرحتي .. فرحة الأشواق فينـي=فرحة الشوق اليتيمة .. كيف تِجرَح في مهدها
فرحةٍ كانت مثـل .. دنيـاً جميلـة تحتوينـي=مرّت بليلة ولكـن .. ليلـةٍ ماطـال أمدهـا
ليه تطرين البعاد المرّ .. وأنتـي فـي يدينـي=زهرة ٍ راعيتها .. خوف الهوى يجرح جسدها
كيف أبآبدل غرامك ؟! وانتي اللي كحل عينـي=يكفي إن عيني بعد فرقاك .. تشكي من سهدها
الشعور اللي على لاماك .. حـرّك دمعتينـي=غيبتك علقم حياتي .. والفراق آمـرّ وأدهـا
وين حظي ؟! ماجمعني فيك من ماضي سنيني=غربةٍ يَبْست عروق القلب .. ماسيّل رعدهـا
غابت ولاباقي ٍ غير الوعـد .. بينَـه وبينـي=كل ماحلّيـت عقـده .. زادت الدنيـا عقدهـا
تدري إني هايم ٍ في عشقها .. وأدري تبينـي=وأدري إنْ ماكل من دوّر على حاجة وجدهـا
جيت أبسلا خاطري بغيابها .. وأكتـم حنينـي=مير دورات الليالي .. باح سدّي من جَهَدهـا
ياحروف الشعـر بالله .. جمّعينـي وإنثرينـي=فوق شاشة رقمها .. يمكن تعجّل في وعدهـا
علّها تدري عن إحساسي لها .. حتى تجينـي=فرحتي .. يوم ٍ أناظر عينها .. وآظـمّ يدهـا
[/poem]
دمتـــ بود ـــم
محمد بن صخيبر