بسم الله الرحمن الرحيم
السلام عليكم ورحمة الله وبركاته
هنا بين اياديكم اضع مشاركتي الاولى اليكم باسمي المستعار امل ان تنال على اعجابكم
يابو فهد في راس ظلعي عوا ذيب
لاوالله الا ذياب طش العمامه
يندب ابو زيد(ن) وابن خاله الشيب
عقب الوغى غطاه خيب وعسامه
ولبو مناديبه قبل شرقها اتغيب
وابرد على جاشه ظرب الحسامه
وجاشي على لوف اللواهيب ماتطيب
لاصار في صدري تواقيع خامه
سبة جفول (ن) كنه الريم لاهيب
لاخايل المنيوب عند العدامه
عليه من نجد التواصيف ياذيب
واصله من الغربي دار الندامه
زوله على زولي لو انساه بتغيب
بتغيب شمسي في ضحاوي سقامه
يابو فهد شورك ترا شورك يصيب
وكل (ن) على ليلاه ساق الجهامه
وسلامتكم بقلم فتي الجود