وبدينا نكبر وحبنا يكبر ويكبر .. والحياة تحلو ..
أروووح بدري بغنمي علشان أقابلها .. وأرجع متأخر .. مبسوووط ماودي إن الحياة تتوقف ..
جدي مهما يطلب من أيتوو مستحيل أنفذه له وخاطري معه زين ..
وخلصت على الورود في الأرض كل دقيقه أعطيها ورده ..
وعمشا تموووت فيني .. ما تفوت يوم ما تشوفني فيه .. وكان حبنا في الأول حب وراعين ..
ويوم كبرنا صار حب حقيقي ..
بندر \\ تدرين يا عمشا . إني ماأقدر أتخيل يوم بدون وجودك .
( عمشا منزله راسها بالأرض ومعها عصا تنقب تقول إنها بتطلع بترول من قوة الحيا )
بندر مستطرداً في كلامه \\ صدق والله ودي إن حتى رعي الغنم في الليل .. ماأقدر أتحمل الليل من دونك ..
وأشغلت قلبي وفكري النهار معك والليل أفكر فيك ..
عمشا بخجل \\ حتى أنا .
بندر \\ فديت أنا راعية الخجل .
عمشا \\ بندر حنا كبرنا ,
بندر \\ قولي قسم .
عمشا \\ أركد لا تتريق خلني أكمل كلامي ..
بندر \\ طيب قولي يا بعدهم كلهم يا سراجي بينهم .
عمشا \\ كبرنا ونخاف أحد من أهلنا يشوفنا وبحدين يحطون حلينا سالفة .
بندر \\ صدقتي وصلنا لسن ما يسمح لنا نجلس مع بعضنا بدون من نسمع الخرما والطرما .
وأكيد خيول الجاهلية بتغير علينا ( درقن درقن ) ..
حبيبتي أنا ...
أناا...
عمشا \\ أنت شنو .
بندر \\ أنا بأتقدم لخطبتك .
عمشا \\ بننننننننننندر . أنت تتكلم من جدك ؟!
بندر \ أجل هالحب هذا والورود وأتنطط لك وسنين وأنا أقابلك علشان بس أجلس وأروح .
أنا أبي أتزوجك وهذي خطه من يوم إني صغير تذكرين وأنا ألعب معك عريس وعروسه هع .
عمشا \\ ماني قادره أتخيل أني أصير زوجتك ..
بندر \\ إلا تخيلي . وبعدين ما نسرح في الغنم بعدين ونجيب واحد أسمه بندر وننفخه في الغنم .
( عمشا تضحك \\ ويحب له وحده أسمها حمشا .
بندر \\ أيه بس ما تلخبط بحروف الهجاء .
عمشا \\ أركد لأن بديت تتريق علي ..
...
...
وودعتها وفيني أمل اللقاء بكره وكلنا نلوح لبعض ولون المغربيه يصير وردي .
...
...
جلست على العشاء مع جدي ..
بندر \\ جدي بأقولك آآآآآآ
جدي \\ وش آآآآ ... عندك شيء قوله ..
بندر \\ جدي إييييي
جدي \\ ماشاء الله تعلمت تصير خروف .
بندر \\ جدي أنااااا .. أنااااا أنا بأتزوج ( وخشيت تحت الطاولة )
جدي \\ يا حليله الي يبي يتزوج .. أطلع من تحت الطاولة ورني وجه العريس ,
بندر \\ عطني الأمان أخاف تفقع وجه العريس .
جدي \\ أطلع أطلع .
( طلعت له وكلي خووف )
جدي \\ ومنهي سعيدة الحظ .
بندر \\ يا جدي هذي البنت الي قبل سنوات ضربتني علشانها .
جدي \\ أهااااا .. يعني كنت تشوفها من وراي .
( بندر يعود تحت الطاولة )
جدي \\ يا خبل أطلع .
بندر \\ أبي الأمان .
جدي \\ لك الأمان بس ليه قابلتها بالخفاء .
بندر \\ والله يا جدي حبيتها من أول نظره ... وألحين ميت في حبها وأبيها أبيها .
جدي \\ طيب وش أسم أبوها .؟
بندر \\ مادري .
جدي \\ وش عربها ؟
بندر \\ مادري .
جدي \\ هالسنين هذي وش كنت تهرج معها .
بندر \\ جدي أنا أحب وضحى بن عجلان .. علشان أتنشدها من أنتي بنته ومن أي عرب يالفارسه
... أنا بس مقابلها أقول أحبك وهي تقول أحبك ويتخللها لعبة واحد طيش .. وعريس وعروسه .
جدي \\ وش عريس وعروسه . يا الوصخ .
بندر \\ لعبه بس منتصين على جذع النخله ونتخيل فيه ناس تغطرف وترقص وبعدها ما نكمل .
جدي \\ طيب تعرف وين بيتهم .
بندر \\ حجلان يعرف .
جدي \\ لا بارك الله فيك بالخبل . بتخليني أتبع كلب يدلني على بيت الي بيصيرون أنسباي .
بندر \\ حجلان منا وفينا عادي .
..
..
أصبح الصباح ورحت أبشر عمشا ..
بندر \\ عمشا يا أحلى صباحاتي أبشرك جاي أخطبك اليوم .
عمشا \\ يا هلا يا شمس يومي . .. وأنا حلى أحر من الجمر .. أنتظرك .
...
وبدينا نخطط للزواج .. وكيف بيصير وكيف وكيف ..
ومبسوطين وفرحانين ..
ورجعت العصر بدري علشان أتجهز وأروح مع جدي .. وعمشا رجعت بعدت .
ورحت أنا وجدي وقلت من هنا من هنا ووصلنا بيتهم .
جدي يوم شاف البيت تغير وجهه .. وأنتفخت أوداجه .. قال بصوت خشن .. هذا البيت يا بندر .؟
بندر \\ أيه يا جدي .
جدي \\ متأكد يا بندر .
( بندر يطالع حجلان ... وهز حجلان راسه .)
بندر \\ إيه يا جدي بشهادة حجلان .
جدي \\ طيب مشينا . والله يستر .
( أنا ما ركزت في كلمة الله يستر )
بس جدي صار يمشي خطوة ويرجع عشر . وصار ينظر لي بعين حسره وأحيان أحسها نظرة حقد علي .
...
...
طقينا الباب .. سمعت صوت عمشا تقول مييييييين .
قال جدي \\ ضيف ضيف .
فتح الباب ولد صغير ..
دخلنا صالة الضيوف ..
جانا الأب ووقف عن الباب ينظر لجدي وهو جالس ..
أبو عمشا \\ هلا محماس وش الريح الي جابتك بعد كل هالسنين .؟
جدي قائماً يسلم \\ هلا بك يا خاتم جابني الي ماكنت أتوقع يجيبني لك .
(بعد السلام الي ماهو سلام وكأنهم بيأكلون بعضهم .)
جدي \\ خاتم ودنا ما نخوض فيما مضى .
أبو عمشا \\ وأنا بعد يا محماس .. بس بعد القهوه نشوف وش الي جابك .
( القهووووه يا عرب )
جدي \\ يا خاتم ...
أبو عمشا مقاطعاً لجدي \\ خلها بعد القهوه .
جدي \\ يا خاتم أسمعني وخلني أدخل في الموضوع .
أبو عمشا \\ تفضل .
جدي \\ قدر الله وماشاء فعل .. ولد ولدي بندر شاف بنتكم عمشا في المراعي . وبغاها على شرع الله وسنة نبيه .
وهذا .....
أبو عمشا مقاطع لجدي \\ يا محماااااااس وش الي بغاها .. تقهوى وبعدها خذ ولدك وتوكل على الله .
أنت تعرف لا يمكن عائلاتنا ترتبط .
جدي \\ لا تخرب بين أثنين حبوا بعض ..
أبو عمشا \\ حبك البرص أنت وياه . مافي قهوه يالله برااا بيتي والله لتلحس السماء وماشفت عمشا .
قم قم أنت وياه .
برااااااااااااااااااااااا اااااااااااااا
.............................
إلى اللقاء في الحلقة القادمة