[poem=font="simplified arabic,4,blue,normal,normal" bkcolor="white" bkimage="" border="double,4,gray" type=1 line=0 align=center use=ex num="0,black""]
تسأل ونصف الراس ينزف من الفاس=تبي إجابه والدموع اغرقتني
علامي بعزله ولاني مع الناس=تبي تعرف بقصةٍ متعبتني
باقولك عنها ولا بعيني نعاس=باقولك عنها ولو جرحتني
أيام يوم إن السعاده لها ساس =حبيت بنت بهالعذاب اوجدتني
كم شلتها خفيّه عن انضار الانجاس=كم قطعت قلبي وهي مالقتني
كم عالجة قلبي ليّا صابني باس=مافيه مره شفتها ماحظنتني
تخيل..إن الماء وهو داخل الكاس=بارد وانا ضامي وهي ضاميتني
تسقي ضمايه لو لها عروق يباس=ماذكر لها موقف حصل ضايقتني
حتى وعي قلبي على دق الاجراس=يوم المفارق يومها وادعتني
شفت الدموع بعينها لمعة الماس=ومن كثر لمع ألماسها ذوبتني
في موقفٍ حاولت به كتم الانفاس=وتشيهقت نفسي ولاطاوعتني
كان الوداع وكان لي فيه الافلاس=من قلب قفت فيه ماشاورتني
ضاع الخفوق وضاع لي طعم الإحساس=في جنسها حسبي عليها احرمتني
ولّت عقود من الزمن وابيض الراس=شايل لها ذكرى وهي مانستني
أشوفها بعيون الايام وسواس=عيّا ينسيني حنانٍ عطتني
من بعدها وجه الشبه لون الادماس =بين السنين وبين دنيا رمتني
وهذي هي اللي حطت الفاس بالراس=قصة عذاب بسردها جرحتني
[/poem]