[poem=font="simplified arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black""]
البارحه كثرت علي الطواريق=جتني تبارا لظماير سراقه
ونويت أوردها عدود المعاليق=وعزمت الحفها عروقن دقاقه
نوبن بسندها علي الجاش وتويق=ونوبن بحدرها وتظهر أشفاقه
وهواجسي تلعب معها بتصفيق=تشاركن ثنتين وصارت علاقه
ماني بويا الشعر لاشك ماطيق=شين بوسط الجوف زاد أحتراقه
وابديت مافي خاطري للمخاليق=واعلنت ماكنيت لادنا الرفاقه
لاوالله اللي شد مامن توافيق=خالي واشوف العين تبكي أفراقه
هذاك ابوكايد زبون المطاليق=من ضاق في دنياه يزبن أشقاقه
حرن نزع من ماكره بالشواهيق=النادراللي لبرق الريش عاقه
لاكبرت القالات يرسي كما طويق=وانشهد انه ركن ماهوب علاقه
قولوله أني مانسيت المواثيق=أباصله واجيه طيب ولباقه
وقولوله اني فزعته حزة الضيق= ولا الرخاء ياكثر كثر الصداقه
وختامها صلوا قبل ينشف الريق=علي رسول الله في كل ساقه
[/poem]