[poem=font="simplified arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ليتنـي مارحـت يـانـواف للشرقـيّـه=وانتهت كل الاجازه فالريـاض اشوالـي
شف على وجهي من آثار الهوى ماريّـه=لو ابخفيهـا واكابـر بيّنـه فـي حالـي
صدفـة" مادامـت الا ساعـة" عصريّـه=وانتهت في ظل ظرف" يقهـر الرجالـي
والظروف اللي ماتعرف رحمـه وماويّـه=زوّدت هـمـي عـلــيّ وزودت غـربـالـي
والهوى اللي يطرح العاقـل بحـب بنيّـه=مايقـدّر طيحـة العاقـل بفرقـا غالـي
والله اني مـن فراقـه صابنـي نفسيّـه=صرت اسولف من خلايه في خلاي الحالي
انقفل باب الرجـا مـن شوفتـه موليّـه=وحال من دونه ظلام اليـاس واعزالـي
مابقيلي غير ذكرى" فـي خفوقـي حيّـه=كل شي ايطيح من عينـي لامـرّ افبالـي
ومن بعدها كل اجازاتي علـى الشرقيّـه=لو أقضيّها علـى شـاط الخبـر بلحالـي [/poem]