[poem=font="traditional arabic,7,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مِن زعّلِك يَاجعْلَه يقَابِل المُوتْ=مَاقِلْت لا وَاحِد يزّعِل حِبِيبِي
فدِيت هَالدَمْعَه علَى خدّك التُوتْ=تنْزِل وكل مَاطوّلَت فِي لهِيبِي
تدْرِي علِيك ازْعَل ومِن حزْنك امُوت=واللِي ذبَحْنِي جَرْح باصْبَع طبِيبِي
وحِزْنِي يمِر وكنّ مَاله صدَى صُوت=م/اهْتَم لَه لَو مَال منّه نصِيبِي
دَامِك مريّح والنكَد يلْزَم سكُوتْ=قمّة هنَايْ ...وانْت عنْدِي قرِيبِي
لاشفْت ضحْكِك يرْسِل انْوَاره بيُوتْ=اضْحَك معَك وهمُوم قَلْبِي تغِيبِي
حبّك شهَدْ وسط المعَالِيقْ مَكْتُوت=مَكتُوب أحبّك مِن شبَابِي لشِيبِي
انْت الوحِيدْ اللِي تذوق الغَلا قُوتْ=افَطّرَك حبّي واعَشيك طِيبِي
مَبْسَمْك لِي غَايَه ومَدْمَعْك مَمْقُوتْ=واللِي يكَدّر خَاطرِك مَايطِيبِي
ان كَان شفْتَه بلّغه لَو يبِي يموتْ=يعِيدهَا مرّه ويِزْعِل حَبِيبِي
[/poem]