مشاركه اولى
من قديمي
ارجو ان تنال اعجابكم
الـــــشــــــــوق يــــــشـــــــــــتاق
[poem=font="simplified arabic,4,white,normal,normal" bkcolor="transparent" bkimage="backgrounds/37.gif" border="none,4,gray" type=2 line=1 align=center use=ex num="0,black""] سرياقلم وأكتب علـى بيـض الاوراق=منطـوق شعر(ن)محكمـات اطروقـه
أحمل الطـاروق فـوق الـذي طـاق=وأكتب معانـي الشعـر للـي يذوقـه
أوصف بها قلـبِ(ن) تعنـا بالافـراق=ساقه غرام الـود فـي وسـط سوقـه
وقلبي كما طيرِ(ن)علـى الوكرشفـاق=يبغـى يطيـر ويجتهـد فـي لحوقـه
والعين تذرف صافـي الدمـع حـراق=دمع(ن)غزير(ن)هل من وسـط موقـه
حبيت حب(ن)صادق(ن)مابـه انفـاق=حب(ن)بقلبـي والمشاعـر تسـوقـه
من كثر شوقي شايق الشـوق يشتـاق=شوق(ن)يشوق بشايق الشـوق شوقـه
من كثر روقي رايق الروق لـك راق=روق(ن)يروق برايق الـروق روقـه
أرحـم خليـل لشوفتـك دوم مشتـاق=أللي نقـش أسمـك بداخـل خفوقـه
وأنتِ سحابـة غيـث والخـد بـراق=بـرق الربيـع اللـي تلاعـج بروقـه
رهيف الحشى كنه من الـزاد مـاذاق=رعبوب(ن)علقـنـي بلـيـا علـوقـه
أليـا تبـسـم لاح بـرقـه بـالأفـاق=أليـا مشـا يزيـن مشـي الرفـوقـه
لاشفت زولـه قلـت سبحـان خـلاق=هالمودمانـي مـا خلـق مـن يفوقـه
خلي مثل شمس الضحى وقت الاشراق=بيـن البنـات الزيـن زايـد شروقـه
حبك عواصف يريش العيـن صفقـاق=تصافـق فـي قلبـي وبتـت عروقـه
خطيت حرف الشعر من حر الأشواق=حب(ن)وأحسيـس وأهـات مخنوقـه
ترى الوصـل يازيـن للقلـب تريـاق=يشفي عليل الحـب يبـري حروقـه[/poem]
اخوكم شاكر العاكور