.
مساء الخيراات واليرااات والمسرااات / مسائكم نصر وفرح وسرور
هاذي صور لرحلتنا الجميله لـ بلاد العمه اندنوسيا الفكره ماكانت موجوده ابدن مار كنا جالسين انا وحبيب قلبي حمااده وفتحنا موضوع السفره وصملنا يعني طرت جرت
ومثل ماتقول ورده في يوم وليله حجزنا وطرنا وفليناها ورجعنا بحمد الله سالمين غانمين مستانسين ..!
كانت السفره حزت الاختبارات ومنها قلنا نكسب التوقيت قبل العطله الصيفيه وزحمتها بس هيهااات الشباب السعودي في كل زمان ومكااان متواجد ..!
انطلقت رحلتنا والمتوجهه من الرياض الى دبي من ثمن جاكرتا مالقينا حجز ع الطيران السعودي فل .!
وصلنا بلاد الاندومي العصرياات تقريباَ اجواااء روعه او بمعنى ادق خيااااليه وهاذي صورتين من الطياره
خلصنا امور جوازتنا والفيزا مرينا مكتب حجوزات فنادق حجزنا وحركنا لـ العاصمه جاكرتا كانت المسافه لها تقريبا ثلث ساعه
جينا الفندق نزلنا عفشنا وكان اول يوم كله باالفندق والاسواق الي حواليه
ثاني يوم طلعنا دنيا فانتازي مدينة ملاهي ومنتزهات في غاية الجمال صراحه
اخذنا السوااق ومشينالها
هذا المدخل حقهااا
وهاذي صوور داخلها لـ العاااب وجلسات ومناظر دنيا فانتازيا
بعدها رحنا مطعم بندر جاكرتا ماكولاته بحريه صاير على الشاطي مكانه ابدااع
وللاسف ماصورناه له صوره وحده صورتها بجوالي ماهي واضحه حيل الوكاد انه مبدع
يا بدايات المحبة .. يانهايات الوله .. !
هالحسن سبحان ربه .. ظالم وما أعدله
يا أجمل الشعر البديع من آخره لين أوله
ثالث يوم اقلعنا ارضن الى بونشااك الجبل تبعد عن جاكرتا حوالي 80 كيلو
منطقه ماقدر والله اوصفها طبيعه جو كل ما فيها يهووول ..!
الطريق لها ويومن ندخلها
وصلنا الجبل وجلسنا نفرفر ندور فلل ولقينا شباب سعودين يدورون برضو طلعنا مع بعض وحصلنا فلل وحجزنا كلنا وقاصرنهم اي بمعنى جاورناهم وتعرفنا على اثنين شباب سعوديين بعد جيرانلنا ..!
ومن يومها صارت طلعاتنا واكلنا وسهراتنا مع بعض صرنا زي مايقولو قروب 7 اشخاص ..!
صور للفله وبعض المناظر حولها
رحنا البارشوت كـ اول مكان نجيه في الجبل وخربتها وركبته
اولها تخوف بس اول ماجنحنا باالجو راحت الرهبه وممتعه والله فر فيني حول 10 دقايق ونزلنا ..!
هذا منظر على حافة موقع البارشوت مكانه رومنسي
كل زين اشاهده وأنتم بعيد .. منوتي ليتك معي !
وهاذي الاجواااء الي تحلق فيهااا
وهنيا اقلعنا في الجو
هنني ياللي جميعـي لـك هنا ..
حطـني بـآخـر مـداي ..
طيرك اللي ما يبي غيرك أنا ..
ضمني إنـت فضاي !
( ضمني )
.