السلام عليكم ورحمة الله وبركاته
:
: :
من الروائع التي شدى بها المنشد ( نعم هكذا اسميه) افضل من اية تسمية فهو يمارس الحداء او الإنشاد الرائع
اليكم ابياتها مكتوبة ومع انها في مدح جيب ال vxr ولا علاقة لي بدعايات تويوتا من قريب ولا بعيد:مزون:
اضيفها هنا لطاروقها
يا ولي الكون يـا جـزل العطيّـه=طالبينك فزعتك فـي كـل شـدّه
انصر أهل الدين واصلح كل نيّـه=ومن جهل فالديـن للإسـلام ردّه
واجعل الدنيا على المسلم رخيّـه=وكل بابٍ مـا يفيـد الدّيـن لـدّه
انتـه المنّـان خـلاّق البـريّـه=وانته اللّي من جهل دينـك تـردّه
وانته الراعي وحنّـا لـك رعيّـه=وانته اللّي تقصر الأجـل وتمـدّه
ما تهيأ يـا ولـي الكـون هيّـه=يا عظيم كاشـفٍ عبـدك وسـدّه
يا بنات الفكر دقـن لـي تحيّـه=ان بغيتن غصب وان جيتن مـودّه
مثلما تضـرب تحيّـه عسكريّـه=حضّرن عنـدي علـومٍ مستجـدّه
وصفن المعنى مثل صف السريّـه=وكل واحد خلـن الثانـي يشـدّه
صفّن القيفـان صفّـه بالسويّـه=ويتبين كـل قافـن مـن مشـدّه
وعقـب هذيـه وهذيـه وذيّــه=جايبٍ لي حبـلٍ لا شـرّق نمـدّه
رابط لي بداخلـه عشريـن ليّـه=كل ليّه مـن وقـع فيهـا تشـدّه
وكم قافن ما نـرده عـن نويّـه=وكم قافن نلحقـه حتـى نصـدّه
وراكب اللي ماورد فاللكون زيّـه=جيبٍ أسود مصدره من يـم جـدّه
فاللزوم اطيب خويٍ مـع خويّـه=وللنظر في مدحت الفكس آر لـدّه
التفت للوصف وآخذ لـي شويّـه=طاريٍ لي من وصوف الجيب ردّه
كن خشمه لا اعترض خشم المطيّه=وشمعته في مقدمه كبـر المخـدّه
وكن زوله راس ملحـاً دوسريـه=تلتفت يوم اوحت الراعـي يـودّه
والقـزازه لونهـا ميهـاف فيّـه=وكن زيقه يقسـم البيبـان قـدّه
كن خطّه في جنوبه سلـب حيّـه=تقـل حـرٍ يـوم صقـاره يهـدّه
زين مشيه في الخلي الأصرميّـه=من وراء عرق النفود المستمـدّه
مع صلاة العصر والا في ضحويّه=ولا احتسى له راعي المشوار عدّه
كن جلده لا انطلـق جلـد برديّـه=وعقبه الطـاروق للمعنـى نـردّه
وختمها العنبر وعـود الجاونيـه=وريح هيل وريح مسك وريح نـدّه
وكل رجـلٍ مؤمـن يذكـر نبيّـه=وكلكم صلّوا على المرسـول عدّه
وسلامتكم
منقول
رد مع اقتباس
المشاركة الأصلية كتبت بواسطة يُتم
