السلام عليكم ورحمة الله وبركاته
يسعدني أن أضع بين أيديكم هذه القصيدة راجياً لها القبول، وأن
ترتقي إلى مستوى أذواقكم.
[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يـاخـسـارة صـحـبـة العمرالـقـديـمـه يـاخـســاره = أتـعـذب لاسمـعـت بطعـنـة الصـاحـب نـصـيـره
ويـن راح المسـتـوى والــذوق يــاراع الـجـداره =وأنـتـه الـمـفـروض حـنّــا لاوردنـــا نستـشـيـره
غلطـة الشاطـر تراهـا تسحـب بسـاط الشطـاره =والـبـعـيـر الــلــي يـقـلــه يـنـكــره مـاهـوبـعـيـره
صاحبي لـو هـو ينافسنـي علـى سـوق التجـاره = ماأخذلـه وأكسرمجاديفـه ولاألعـب فـي مصيـره
اسـتـعـد ولازهـمـنـي صـاحـبــي عــزيــت داره = ولاتـوزرنـي لقيـنـي عـنـد ظـنـه فـــي وزيـــره
وإن حضرماأنكر وجوده وإن جلاأعرف دياره =وإن بـدانــي بـالـرزيــه أرفــعــه عنـهـاوأجـيـره
ولاعسم فكره قبس له من سنـا فكـري شـراره = وأجتلـت كـل المعانـي وأصبحـت عنـده سفـيـره
مـانـويـت الغـدرفـيـه ولـونـوانـي فــــي قــــراره= أدمــح الـزلـه وعيـنـي عـــن جنـايـاتـه كـسـيـره
طول عمري مانظـرت لصاحبـي نظـرة كبـاره =لاولاحـطـيـت قـــدره مـنـزلـه مــاهــي كـبـيــره
لاولاهـدّمــت صـرحــه لويشـانـيـنـي صــغــاره =حشمة الصاحب تراهـا تلحـق بحشمـة صغيـره
قـامـت الـدنـيـاودارت والـصـداقـه فـــي عـبــاره =فعـلـهـا فـعــل الـغـنـاه وحـالـهـا حـــال الفـقـيـره
وجـد حالـي والصداقـه كـوم يرمـى فـي زبـاره =مــن عــرف فيهاالمصـالـح ظنهالقـطـه جـديــره
وإن عرف فيها كلايف ماوضعها في إعتبـاره = قــال هــذي ماتـخـارج شافـهـا حـاجــة حـقـيـره
شوق حالي بالصديق اللـي وقـاري مـن وقـاره =في ظلام الليل وجهه مثـل وجهـه فـي الظهيـره
صحبةٍ فوق السحـاب وعرقهـا يشـرب طهـاره =مـاتـثـمــن بـالـكـنــوز ولاتـنـافـسـهــا ذخـــيـــره
قلـت هـذا مـن ضمـيـرن كّدرالمـوقـف نـهـاره =والزمـان اللـي نعيشـه قـل مــن يحـيـا ضمـيـره
تمت وصلواعلـى اللـي واهنـي مـن كـان جـاره =يوم جمع النـاس فـي الميقـاف والحالـه خطيـره
[/poem]