ياسلام
والمجلس اللي يزعجك لا تمره
خله تراك بشوفته منت مجبور
والرجل سقها في صحاصيح بره
ومد النظر ما بين ريضان وزهور
لا صار وجه القاع ما فيه جره
والمشي حافي والثرى تو ممطور
ساعات صمتٍ ما وراها مضره
تسوى الكلام اللي به إذنوب وإشرور
أطلق خيالك وأترك النفس حره
وخل الطبيعه في حياتك لها دور
وبالليل لا بانت نجوم المجّره
أذكر بديع الخلق بـِ إحـساس وشعور
واسجد لرب الكُون مره ومره
وإحفظ لسانك وأترك الكذب والزور
وفروض ربك خلها مستمره
وطاعتك لا يدخل بها نقص وقصور
ياسلام
الله الله صح السانك
يالنايفه تقبلي مروري واحترامي