مساء الخيررر
غرااااابيل
هذي الأبيات مني
في نجد خاصه بدون قصور في الأماكن الاخرى
أتمنا لها القليل من أعجابكم واستحسان رضاكم والمعذررره
[poem=font="arial,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يانجد من سماك نجدٍ صدق فيك =وانا معرف اللي بذا الاسم سماك
لاكن علي بالشعر نذرٍ لاسميك = شيخ الديار اللي على الجود مرباك
ولا لك شبيه؟ .. بنسمت أرضك تحاليك=دارٍ على مركا أطيب الجود مركاك
ومن غير مكه مابه ارضٍ تساويك=ولا به سوى طيبه بالوطان يسواك
وانا يامكثر وسط صدري لاساميك =من اولك يانجد ودونك لا قصاك
ياجعلني يانجد الاجواد مابكيك =ياحلوك برااائع نسيمك ومحلاك
الله رب الكون يانجد يعليك =بالخير ياربي من اسفلك لاعلاك
يانجد خذني بالقصايد وانا اجيك =وابدع بجزل الشعر بك زي مبغاك
وعزالله اني بالقصايد لامهزيك =من ناس بك معاد بالشعر تمزاك
في كل يومٍ بروع الشعر أنجيك = واقول من يانجد مرك ومن جاك
وانشهد اني من سجم في صحاريك =ومبعد عن اللي بالبحر تقنص أسماك
طابت بعذب الشعر فيني مساريك = أوطا بظلمتها مسامير واشواك
واليا بغيتك باعذب الشعر اوريك = واستغفر الرحمن فيك من الاشراك
وانا حجازي ماولدت بمرابيك = واليوم من عذب اجزل الشعر انا اهواك
ومن صم راسي ياشهد الله هاويك=اجوع بك من عذب الاشعار واضماك
اصبحك من بوح شعري وامسيك= والشعر في فمي لك أتقول مسواك
الله يبارك فيك والله يخليك =واهل الكرم بحما الولي ثم بحماك
ياجعل قوم الجود مايوم تنعيك =تسعد وتتهني فرح داخل ارضاك
دار السلاطين العظام المماليك =أل السعود اللي من الغدر تحماك
شروى ابو متعب باسمه الشعر ينبيك=وسمه وشروى اسمه من الناس يزهاك
شع بضلامك نورهم كالاتاريك = يوم انهم منك اطردو كل الاتراك
اما خوالك هم او انهم بنيخيك =ونجومك اللي في علا المجد تنحاك
عبدالعزيز اللي يفض الشرابيك=أكبر همومه كان مثلك وشرواك
مشا على حافي قدمه برماضيك =ولعيون أهلك اتحمل /ال/ حر رمضاك
وغاص بحوافر خيله أرمض صحاريك =واعانه الله جمع شملك وفرقاك
ومن يوم ما قرر حدودك تماتيك =حرر عربك من الجهل عند مولاك
ودعى لدين الله ربي براضيك =وسار بمشيئة رب الكوان يمناك
وقضا حياته بك ياسند وينحيك =ويا مامشى بك من علوك الى أدناك
وحد على دين الله أقوى مباديك=وثبت على سماحت الدين مبناك
وعمر على التوحيد عالي مبانيك =واليوم محد يزعزع أبدين مبداك
الله على دينه يثبت معاليك =ويبقيك عالي شامخ البني مثباك
وختام قولي عاش يانجد غاليك = لو للغلا يانجد ماحدٍ ترى اغلاك
والمعذره يانجد ماقدرت ان اوفيك=وبالشعر محدٍ عد قبلي قد اوفاك [/poem]
وسلامتكم