السلام عليكم ورحمة الله وبركاته
طبعا انا مستحيه احط هالموضوع يوم شفت المواضيع بس عاد سبق وقلت ترقبو الجزء الثاني :(
المره اللي راحت نزلت صور جابت للمشرفين الهم وهم يصغرونها عن مهرجان الورد بالطايف وكانت مشي حالك مشوشه وحالتها حاله بس وش تسوون لازم تجاملون هههههه
واليوم عاد رجعت عشان الجزء الثاني والصور الظاهر مثل اللي قبلها بس استرو ماواجهتو وانا اخذوها كلمة رجال معاد اصور واجيكم هههههه
بسم الله
بالبدايه كان فيه ركن يضم العديد من اللوحات التشكيليه وهذي مجموعه منها
ركن التربيه والتعليم
هذا طبعا اهداء مني لوجن ههههههه اول ماشفته مدري ليه هي اللي طرت لي
بس صراحه ماعجبني حسيت المدرسات كل اشغالهم دمها ثقيل يمكن عشان مااحب هالقطاع انا :)
< تكفين ياقطاع الداخليه :)
هذي السياره مدري وش يحس راعيها من سنة جد جدي حسيت اني في فلم من الستينات يوم شفتها
وهذا دهن الورد الطايفي التوله بـ1500 ريال :( تصدقون ماتوقعته غالي كذا
بس ريحته روعه
ماء الورد برضو الطايفي
اللي ماذاقه مع المويه اعتبره انا ماذاق شي ^_*
طبعا جهه من المهرجان استغربت مسوين فيها زي البازار كانت الصور كلها بعيده بس لفت انتباهي راعية هالفساتين
طبعا جمع من الحضور والبازار من نواحي مختلفه
هذا المسرح اللي كانت تقام عليه الفعاليات والبرامج بعد المغرب بس للاسف ماحضرت منها شي
اتمنى مااكون غثيتكم :(
ارق تحيه للجميع