انشبكنا مع اللي سمنا بالصدود
عقب عدة سنين انشبكنا معاه
قلبي اللي تولع لين عدا الحدود
مايخلي عناده لين يلحق مناه
اترك اللوم عني يالرفيق الجحود
وانت تدري بقلبي مالقينا دواه
المحبه بقلبي كل يوم بزود
واشهد ان المحبه هي سبايب بلاه
اتسلى واسلي خافقي بالوعود
واتصبر وانا اللي عايش في رجاه
طال صبري وعيني من دموعه تجود
صح غيره رفضته، جايزلي خطاه
ابعدتنا الديار وفرقتنا الجدود
مار قلب المولع ما رغب في سواه
وحالة الحب صارت في نزول وصعود
والنهايه كسبنا من ذبحنا هواه
انشبكنا معاه وخل هرج الحسود
عقب عدة سنين انشبكنا معاه