المشاركة الأصلية كتبت بواسطة أبوعبدالرحمن
.
في غيابك
في غيابك
في غيابك
في غيابك كل شيء ٍ يحتريك
............... القصيد ,, وليلنا الساهر ,, وأنا
في غيابك ما لقى قلبي شريك
............... لين سموّ خافقي ( قلب العنا )
في غيابك ,, نفتقد لمسة يديك
............... ما وحشنا خافقك ,, ( الله لنا )
في غيابك كلنا قلنا نبيك
............... أنت شفت البعد وش سوّى بنا ؟!!
كلنا يا آسري منك وإليك
............... ما لنا عن ضحكة شفاتك غنى
أنت ما تشتاق للأيام ذيك ؟
............... يوم كل أيامنا فرح وهنا
أنت تامر يا بعد عمري واجيك
............... شفت قلبي لو تأشّر له ,, دنا
قلبي اللي من كثر خوفه عليك
............... لو يشوف الدمع في عينك ,, فنى
والله انك داخل عيوني مليك
............... وسط قلبي منزلك عالي هنا
في غيابك كان ما أثرّت فيك
............... شف خفوقي من غيابك وش جنا
الحزن في كل شيء ٍ يحتريك
............... القصيد ,, وليلنا الساهر ,, وأنا