صباح الخيررر لتواصل
والمعذرررره
[poem=font="traditional arabic,7,red,bold,italic" bkcolor="white" bkimage="" border="groove,8,blue" type=2 line=0 align=center use=ex num="0,black""]
فـي ملتـقـى قبـائـل سلـيـم سجلت =من بعد جتني دعوه.. من ابو سـاري
من يوم جتنـي دعـوتٍ منـه عجلـت=وأطرت بجزل الشعر فيني طواري
وانـا بجـزل الشعـر شاعـر لياقـلـت=ويحقـلـي بسلـيـم جــزل أفتـخـاري
(شاعـر ليـا عدلـت بالشـعـر مامـلـت)=أعسف صعيبات القوافي جباررري
افخـر بمـدح سليـم لقفيـت واقبـلـت=وفيهم بعذب الشعر أراهن ومـاري
وبجزل فنون الشعر فيهم لاصملـت=في مدحهـم لطـوي بعيـد المسـاري
وبسليم لامـن قلـت بالشعـر جملـت=فارس محـد بالشعـر شـق ال غبـاري
ياللي علي بملتقى ربعي ارسلت =يالذيب ياولد السباع الضواري
لاقلت لي بالشعر حرك وزلزلت =انشهد اني بك ياشيخ انتحاري
وبعذب حروف الشعر بك لاتمثلت =ازرع بشعري بك يباس الصحاري
وفي ذمتي في وسط صدري لياجلت=يطلع بك بجزل القوافي ثماري
وعن طيبك من سليم أراهن ولا زلت=ولليلي بطيبك عادل أطيب نهاري
و(يبن العطاوي) بي تجملت واجملت=وزان بجزيل الشعر فيك ازدهاري
ألبس من أجداد القوافي لافصلت=ياسرت أعيوني وطيبت وقاري
انا لمدحك لاذكرت وتخيلت=صعبٍ يجزلات القصيد انكساري
لونت جزلات القوافي وشكلت = من طيبتك ولا حد رد اعتباري
وان هجولو قوم القصايد ماهجولت =أنضم جزيل الشعر رغب اختياري
واليا عسرني عسر اللحان به قلت=حتى اسمع مجاوب هديل القماري
واليا طربت أحلا الجميلات وأذهلت =أدق بنحور القصيد الخباري
ولو فيهن بعذب القصايد تغزلت =لا يخل شعري صدورهن كالشباري
هذا وانا بالشعر مجمل وماشملت=وماركبت أفكاري لا رنج بسفاري
وان هرقلو بالشعر ناسٍ ماهرقلت= أشب بعذب جزل الاشعار ناري
ياكثر من قوم الحسد ماتحملت=وانت اللذي تعلم ولا شك داري
ومن حسدهم ياخوك ياما تبهذلت=والحر يكفخ لا أخمرن الحباري
ولو ادري أن شعري مايعجبك بطلت =ولا عاد أجيب /أل/ سيرة الشعر طاااري
وبذكر رب الكون ختمة واكملت = فيك بجزيل البوح عذب اختباري
ماشي على نهج النبي ماتحولت =باللي رواه الترمذي والبخاري
ثابت عليها لازلقت ولا تولت =والله يحقق لي بها اقوى انتصاري
على الله المعبود سرت وتوكلت =ولا أله الا الله أعلا شعاري
[/poem]
وسلامتكم
رد مع اقتباس
المشاركة الأصلية كتبت بواسطة أريج الرياض
