[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
رمش عيني بطيفك يا حياتي غفا=ودّي اليوم كله ليل يتلاه ليل
أنت نبض المشاعر .. وأنت نبع الوفا = لو عطيتك حياتي يا حياتي قليل
أنت راحة ضميري يوم كلٍ جفا=وأنت صدق المشاعر في الزمان البخيل
وأنت نور الخفوق اللي معك ما طفا= وأنت ضحكة شفاي وروح وقتي العليل
وأنت صيفك براد وفي شتاك الدفا=لو أدوّر مثيلك ما لقيت المثيل
في كلامك حنين وفي عيونك شفا =و في شرايين دمي صار حبك يسيل
ما به أحدٍ بديلك يا حياتي أفا=عاقلٍ حبّ قلبك ليه يبغى بديل ؟!!
كل زولٍ بعيني يا حبيبي هفا=ما بقى ألا أنت في محجر عيوني أصيل
من عشقتك وحزني من عيوني اختفى=وقبل حبك مصاب وطول وقتي هزيل
قبلك القلب صاح وقال والله كفى=وين أبلقى خفوقٍ من همومي يشيل
ذاك هرجي وهرجه من زمانٍ عفا=لكنّ الحين قلبي يم قلبك يميل
يا أجمل إحساس سيّر في الخفوق ولفا=واستحل المكان وصار ( نعم النزيل )
جوّ فكري معك يا زين توّه صفا=وألا أنا من عرفتك من غرامك قتيل
ما اكتفى منك حبي ما اكتفى ما اكتفى=أسقني من غرامك يا الغرام الجميل
[/poem]