[poem=font=",5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مادام لي رديـت مكسـور خاطـرك=قللي وش اللـي مـن فراقـي لقيتـه
العمـر مـرة والمصايـب تـذكـرك=والحـب نعمـه مايجيـك بشريـتـه
اقفيت عنـي تحسـب انـي بـدورك=من صـد عنـي لارحـل مارجيتـه
لاتقول لي خابرك وش كنت خابـرك=غير المرار اللي بصـدري ضويتـه
يامـا تجافيـنـي ويـامـا اقــدرك=واعطيك شي مـال غيـرك عطيتـه
زدتك غـلا وانـت تـزود بتكبـرك=كتبتـك بصـدري غـلاي ومحيـتـه
اترك لك افراحي بحزنك واشاطـرك=تتـرك لـي همومـك بقلبـي مبيتـه
ان كان ماعبـرت محـد ن معبـرك=ولازعلت شخص تشوف مالا رضيته
والا انا ماني على الضيـق جابـرك=مـن كـان يفدانـي بروحـي فديتـه
وان كان لي رديت من شان اباشكرك=باشكرك لاكـن عكـس شـي هقيتـه=
وان كان اباشفع لك ماهو لاجل ناظرك=غـلاك مبطـي مـن فراقـك نسيتـه
ولاهو على اخلاقك ولاهو لمظهـرك=دام المشاعـر داخلـك انـت ميـتـه
علمتنـي وابصـرت والله يبـصـرك=وعرفـت شـي لـو جهلتـه قريتـه
ان العقـل مايصـدق بلعبـة السـرك=وآفـة بنـي آدم اذا الكـذب صيتـه
وان ماربحت مـن الوفـا مايخسـرك=والصـدق لامنـك هويتـه جنيـتـه
واحيان قولـت ليـت يمكـن تنـورك=واحيـان قولـت ليـت ماقلـت ليتـه
باقول لـك حاجـه عسـى ماتكـدرك=لاكـن خذهـا مـن حبيـب جفيتـه
ماتذكر انـك قلـت لـي ودي آمـرك=لك قلت آمـر واطلـب اللـي بغيتـه
قلت اطلبـك قلبـك ولانـي بجابـرك=واباسكنـه مـادام قـربـك هويـتـه
تذكر هذاك البيـت ماعـاد ينطـرك=غيرك سكن به واصبـح اليـوم بيتـه
والا انت بلسانـي اذا كنـت باذكـرك=طـاري وعـدى زي شـي طريتـه
لاكن عـود انكسـر حيـل خاطـرك=دورت يشفـع لـك فعـل مالقيـتـه
[/poem]