السلام عليكم ورحمه الله وبركاته
هذه اول مشاركه لي في هذا المنتدى الرائع
وهي قصيده غزليه
نظراً لأهتمام اغلب مرتادي هذا المنتدى بالقصايد الغزليه
وعسى ان تنال اعجابكم واستحسانكم
اتركم مع القصيده
[poem=font=",6,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""] يالبيـوت الوافـيـات المرجهـنّـه=انهضى لي هاجسـي نـد القصايـد
وانصتن لي لين هرجي تسمـع انّـه=موقف (ن) حساس في صدري وقايد
مع حبيب (ن) هيض اللي مستكنّـه=من جروح وهاضني بـدع الفرايـد
يوم طال غياب نـور العيـن كنّـه!=يدري مضرب ميسمه فالكبـد جايـد
جاء ولا خيب رجى اللي صاب ضنّه=لابس (ن) زين البشر لبس القلايـد
قلت وينك..! مانبـى لصبـر منّـه=لاتغيـب اليـوم يكفيـنـي فقـايـد
قال ويش الصبر..! مع شي(ن) وكنّه=حبك اللـي علـم القلـب الشدايـد
واتضح لي ؟ شي (ن) ابقلبه يكنّـه=قلت ويش العلم !! قـال العلـم كايـد
الـسـوادي... حبـنـا مايخلـفـنّـه=والسوادي عندهم يعنـي ... (عوايـد)!
طيرك اللي في رجـاه اليـوم هنّـه=بالجـروح ونشـر,, همـه فالجرايـد
ماكتـب لـك والليـالـي ممهلـنّـه=وهل دمعـه فـوق خدينـه طرايـد
قلت: شوفك يابعد مـن سـار جنّـه=عيد قلبي جعـل عيـدك دوم عايـد
بس تذكر من على شانـك شعنّـه؟=الهموم اللـي علـى صـدره وتايـد
ثُـمّ قفـى واقتفـاه القلـب ... لـنّـه=خابـرن لاراح مـرواح الشـرايـد [/poem]