لكم الجديد وتستاهلون
[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""] روح الفرح راحت مع وقت الأفراح = معاد باقي غير روح التعاسه
الوقت سيفة للمخاليق جراح = كم شيخ قومن جرعه مر كاسه
وبانت خفايا الأقنعة بعد ما أنزاح = مليون وجهن كان يعكس لباسه
وتصدعت صبخ الشواطئ بالأملاح = وأقفى ربيع القلب وأقبل يباسه
وكثرت سكاكين الجمل بعد ما طاح = وأهل الحسد ما صدقوا الأنتكاسه
دون الكرامه نرخص أموال وأرواح = حنا كذا الرجال لو طار راسه
الشعر لأفعال الرجاجيل مصباح = شيً إلاهي مايدرس إدراسه
وبركان شعري هاج بالصدر واجتاح = رده فعل صدرٍ رحيب أنعكاسه
أطرق بحر مايطرقه كل سباح = وأختار محاره ولوله وماسه
أغلى الدرر لبستها جوخ ووشاح = صافي ذهب مابه شوائب نحاسه
وأخذ مع الهوجاس مسرى ومسراح = وإليا أستصغت البيت ثبت ساسه
أنحت صخر ثم أنضمه نضم مسباح = من فكر غيري ما خذيت اقتباسه
وكيف من البن اليماني إليا فاح = يقعد خوى راسي ويجلى عماسه
ماحد على وجه البسيطة بمرتاح = ولا علية من المقدر حراسه
ولا أحد معة لأبواب الأرزاق مفتاح = حتى كبار الروس وأهل الرياسه[/poem]