قصيده تشرفة امام خادم الحرمين يوم الثلاثاء اثناء استقباله للمواطنين في الدمام بالا لقائها امامه حفظه الله
[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
الشعـر مايـدرس ولا ينتـقـرا=في ساعةِ فيها يـزود افتخـاري
أليا حـصـل ميقافها ماتـبـرا=أنا لهـا يقرأ بهـا كـل قــاري
وفاء الزمان وعاد رمـزاً يطـرا=وفعلٍ مضى عود وجاء له طـواري
اللافـي اللي بعـد مكـان بـرا=من حب ابومتعب لفاه اختيـاري
كنه على شوف الزعيـم يتحـرا=لجرب وفي كف أبو متعب يماري
لأرض الزعامة فره الشـوق فـرا=وجاء مرحبا به كل ماطراه طـاري
مضت عليه سنيـن بـرداً وحـرا=ينطق حديث الترمذي والبخـاري
ماهوب من نهج الخلافـة معـرا=سيف الملوك لنصرة الحق ضاري
بالمسك في شبه الجزيرة مغـرا=كنه على ذكـراه يبـراه بـاري
لفى جري ماهوب ضيـفِ يجـرا=يرقا شموخ وللفعـول انتحـاري
على النقى ماهوب قـولِ مسـرا=جرة فعوله ما محتهـا الـذواري
تاريخه أصدق من جمادى وغـرا=نقراه بوجيه السبـاع الضـواري
قـال ابومتعـب مرحبـا لاتـزرا=الأصل ما جاء من حساب التجاري
لله درك ثــــــــم لله درا=اسماً مع اسمك خلدته الصحاري
تركي وتركـي ما نقلـك إيتشـرا=اللي بنشر الحـق للظلـم فـاري
ومن بعدك الحق المبين استمـرا=ولازال في نقل الصحيحين جاري
في كف ابومتعـب عزيـزاً مـذرا=رمزاً بكف المنتخـي والمثـاري
الهَـدو ولا البيـع لـك ما يطـرا=عليك من لبس الحصانة مـواري
لمن خويـ(ن) مـن خويـه تبـرا=خلك لبومتعـب خـوياً مبـاري
بيت الإمام اللـي بطـش ماتـدرا=ينطح طوابير العدى ما يـداري
هذا بعض ما صاغ فكري على الرا=وأسوق قدام المليـك اعتذاري
[/poem]