بسم الله الرحمن الرحيم
السلام عليكم ورحمة الله وبركاته
مصافحتي الاولى اتمنى
ان ترتقي وتلامس واحساسكم
لكم النص
[poem=font=",6,chocolate,bold,italic" bkcolor="transparent" bkimage="" border="none,4," type=1 line=1 align=center use=ex num="0,black""]
ماعاد به شـي يخفـى وأخفيـه=ولافيه شي ينحكـى مـا حكيتـه
خلاص ماينفع عتـاب ومشاريـه=مادام ظني فيـك يامـن هويتـه
مثل السحاب اللي تقافت مناشيـه=عيني تتوق البارقـه مارتويتـه
والحزن لو بانت بوجهي مواريه=لاضاق به صدري لربي شكيتـه
عساه يجبر قلبي اللـي هجرتيـه=مثل السجين بوسط صدري حويته
ويا هاجره من شان مافات مريـه=هذا رجا وانا الجفـا مـا هقيتـه
مريه بحساسك وهدي وشوفيـه=شوفي مكان الشوق وأركون بيته
وشوفي حنين الود يشكي لماضيه=وهذاك نبتاً مات لك مـا سقيتـه
وشوفي هيال البيت عاليه واطيه=تهايل اركونـه بعـد مـا بنيتـه
ذاك الكيان اللي مشيـد وامانيـه=بعدك سكنه الهم وأنـا رضيتـه
وغصب علي ارضى وبقولك ليه=لأني تمنيـت الوفـا مـا لقيتـه
وانا ادري ان البعد للحي ينسيه = ولا عاد ينفعني رجى لو رجيته
للحب جمراً تو ماذقت صاليه = ياليتني في دربكم ما وطيته
ادراه في نفسي واكنه واخفيه = لكن يفضحني وانا ما قويته
[/poem]
اخوكم
سيف السهلي