السلام عليكم ورحمة الله وبركاته
متواضعه للتواصل اتمنى ان ترتقي لذائقتكم
,,
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
اهديت لك قلبٍ من الهم مذبوح=واهديتني جرح وقبلت الهديه
والجرح طاب وجا بعد جرحك جروح=وابشرك ماعاد تطري عليه
انت اعتبر نفسك من البال ممسوح=وانا اعتبر نفسي بحبك ضحيه
صحيح كنتي عندي اغلا من الروح=وكنتي بعيني غير كل البريه
كنت اعتبرك انسان لايمكن يبوح=باسرارنا مهما تكون القضيه
تخطي وانا اقول الك يازين مسموح=وتحدني باحكامك الجاهليه
ابني غلاك ابراج واحصون وصروح=وتهدها من دون ذنب وخطيه
شفت ان قلبي بالغلا فايحٍ فوح=وغرك غلاك وشفت نفسك عليه
لو ارتفعت وطرت لايمكن تروح=مهما تروح تردك الجاذبيه
بكره ليا من جيت بالدمع مفضوح=ماعاد يضحك غير شر البليه
راح اعتبر رجعتك يالغالي امزوح=واعلمك وشلون رد الهديه
[/poem]
,
وسلامتكم