تعرفون الإعلانات الي في التلفزيون والإذاعة والصحف عن منتجات تجارية والتنافس اللي صاير بينها .
وعلشان كل واحد من المنتجين يفرض منتجه الخاص يسوي له دعاية كاذبة وأحيانا يحط معه هدية مدري وش تبي ,,,
وأنا بقولكم عن بعض المواقف اللي صارت لي مع منتجات عليها ختم الجودة :مدري:
ومعها بعض الهدايا المغرية ,,,
** 1 **
مرة لقيت في صيدلية نوع جديد من حفايظ الأطفال ومعه هدية اشتراك عشر ساعات في الإنترنت ,, وأرخص من البامبرز بأربعة ريال ,, هنا بدأ الإغراء يلعب في بطني وقلت لنفسي يا ولد حج وحاجة ,, وخلني استفيد من حمودي الهيس الأربد ,, وشريت الحفايظ المذكورة ,,,
وعينكم ما تشوف إلا النور
الاشتراك ما اشتغل كأن الجهاز مشغله على ماطور كهرب ,, وتطلع لي عبارة في الشاشة تقول (( لا يمكن تسربك إلى الموقع المطلوب )) ,,
وحمودي الورع جته حساسية ,, ما ينام إلا على بطنه ولا يداني شئ اسمه حفايظ ,,
أنا يوم شفت الموضوع طلع عن حده والورع قرّب يمشي من الحساسية ,, رحت اشتري حفايظ بامبرز ومرهم ضد الحساسية والمرهم معه جائزة رضاعة بلاستيك خخخخخخ
يعني خسرت حق سبعين تغيرة لحمودي ,, وحق أربع كراتين بامبرز :واء:
تحت المجهر :
حمودي الآن يمتنع عن لبس الحفايظ ,, ويرتدي سروال سنة ههههههههههههههههه
** 2 **
مرة من المرات طلعت اشتري لعامل الاستراحة مؤونة الشهر ,,, طبعاً االسواق هو اللي بالعادة يروح يشتري المؤونة ,, والمرة هذي طق أبوي الفلوس في يدي وقال رح اشترها المرة هذي ,,
دخلت محل المواد الغذائية اللي يبيع بالجملة ,, ولقيت حاجات تطير العقل ,, مثلا كرتون الحليب البودرة قيمته 300 ريال ,, وفيه نوع ثاني بــ 100 ريال !!
والأجبان أسعار تفرق بين كل نوع ونوع مع إنها نفس الحجم وغيرها كثيرررر ,,
الطمع لعب في راسي ,, وقلت في نفسي : يا ولد اشتر للعامل من الرخيص وعوض خسايرك في حفايظ حمودي (( لا زال حمودي يصّر على لبس السروال السنة )) ,,
حملت الأغراض ووديتها للعامل وهو مبسوووووووووط من الكمية الكبيرة اللي تأكله لمدة ست شهور ,,
المصيبة بعد يومين إلا العامل متنوم في المستشفى ,, وفيه حالة تسمم ,, والسبب الأغراض الخايسة اللي جبتها له
تحت المجهر :
العامل الآن يجلس على الكرسي المتحرك ويطالب بالخروج النهائي لبلاده للموت هناك ,,
** 3 **
مرة قريت عن مستوصف أسنان مسوي خصومات للمعلمين ,, بشرط إظهار بطاقة العمل ,, ورحت له لأني أعاني من تسوس في ضرس العقل << يا هو يا الصغير
أنا يوم طلعت لموظف الاستقبال بطاقتي ,, حسيت إنه مقهور شوي ,, لأنه بيضطر يخصم لي ,,
والأدهي منه الطبيب ,, لأن بيقل المردود له من وراي ,, يعني الفلوس ما هي جايته كاملة ,,
دخلت على الدكتور وجلست على كرسي التعذيب ,, فتحت فمي ,, ناظر فيه بنظرة حقد ,, وقال لي : تبي أخلع لك الضرس ببنج ولا بدون ؟!
قلت وش رايك ؟؟؟
المهم عرف من جوابي إني ناويه لو ما ضربني بنج ,,
قال ترى إبرة البنج خارج الحساب ,, قلت طييييييييييييييب
المهم عطاني البنج ,, وجلس يشتغل في الضرس ,, تقول كأنه ذابح أخوه ,, وش كسرررررره ,, وش لعب في صحته ,,
وفي النهاية خلع الضرس ,, وأنا أطامر مكاني ,,
وأخذت لي أسبوع اشتري لي كراتين مسكنات ,, لو إني مركب ضرس ذهب كان أرخص ,,
تحت المجهر :
قررت أنا الموقع أدناه ,, إني ما أطلع بطاقة العمل لأي مخلوق ,, أو انطلها في الشارع ,, وقررت إني استخدم فرشاة الأسنان ولا آكل الحلويات ههههههههههههههههههه
موعدنا في الجزء الثاني
تحيتي
رد مع اقتباس
المشاركة الأصلية كتبت بواسطة عشق ليل
