السلام عليكم ورحمة الله وبركاته
مساكم الله بالرضا والعافيه
متواضعه للتواصل اتمنى قبولها كماهي
,,
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
فزيت لك فزة يتيمٍ تناسوه=امه وعمانه وجده وخاله
يوم انهم بالصوت صاحوا ونادوه=تعال هاك ريال رح للبقاله
توّه صغير ولا عرف ليه صحوه=روّح وهو مبسوط شايل رياله
طلع لكن عيال جاره تولّوه=يذكرونه موت ابوه وطرى له
ورجع ودمعه فوق خده وخلّوه=وابطى وهو جالس ويبكي لحاله
جا يرتمي في حضن جده وردّوه=والجد قاسي قلب والخال داله
وقف يناظرهم بعينه ومرّوه=بامه وزاد الهم فوق احتماله
الورع مايدري وش اللي يسووه=والام زفوها باغاني اصاله
ترك لهم كل البلد يوم كبّوه=ولا افقدوه وكل واحد بحاله
لقاه رجل وحرمته ثم تبنّوه=لكن وضعه بينهم ماصفى له
عيالهم في كل لحظه يبكوه=والاب دايم واقفٍ مع عياله
يجلس يطالع فاكلهم يوم حطوه=ويخربون الاكل كله نذاله
اطيبهم اللي كل ماالاكل شالوه=الياشبع من لقمته مدها له
يمرض بالاشهر عندهم مايودّوه=ولامنهم اللي جاب حتى الدوى له
صابر على همه لو الناس غثّوه=مايدري ان الهم تو ابتدى له
ابوي وينه وين الانذال ودّوه=اليا صحى من النوم هذا سؤاله
كبر وزاد الهم والناس خانوه=واصبح يصارع فالغلا والبطاله
ابغى اسألك لامنهم قدمك اطروه=ان كان باقي وسط قلبك عداله
حسيتي ان الظلم قاسي لو اخفوه=انا كذا مثله لحد الثماله
[/poem]
,,
وسلامتكم