جديدي في سيدي صاحب السمو الملكي الامير فيصل بن عبدالله بن عبدالعزيز ال سعود رئيس جمعية الهلال الاحمر السعودي حفظه الله ورعاه
[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
للشعر في تاريخ الأمجاد مقياس = يرقابه القمه لياصار طايل
فيصل ولد عبدالله معرب الساس = إبن المليك إللي يروس القبايل
يدك بي لوحيت طاريه هوجاس = هوجاس شعر معلقاتِ جلايل
دام الفضايل تملك الناس للناس = فيصل سنام المجد كف الفضايل
له فوق عرش المجد مبداء ومجلاس = قمة طويق وقمة جبال حايل
فيصل حفيد اللي على قب الافراس = مبداه بالقوه وعزم الصمايل
يدوس إخو نوره ولاهوب ينداس = يدعى بعيلاته على كل عايل
ثبت جذور الدين بأمنِ وحراس = وقطع جذور المغرضين الغلايل
واليوم عهد اللي للأمجاد نبراس = في عهد ابو متعب وجاله دلايل
إللي على العليا له أخماس وسداس = نطول بفعاله على كل طايل
للشر قطاعِ وللخير غراس = شروا أبو متعب في زمنا قلايل
راسِ يروس الروس ماهوب ينراس = وفيصل خذا منه جميع الخصايل
نهر الكرم والجود ماهوب ينقاس = ماصك بابه عن عيال الحمايل
حكيم راي وسيف حقِ وقرناس = من حكمته كفه عدل كل مايل
والشعر لو يكتب بحبرِ وقرطاس = في سيدي فيصل سمان وجزايل
لان سيدي في طيبته يملك الناس = وكسب بكفه من فعوله جمايل
فالناس ماله لاشبيهِ ولا اجناس = إلى مثل مولاي طبع ومثايل
راسِ ولد راسِ خذاها من الراس = وجاله مواقف مثل ابوه ودلايل
واخذت في مدحه مهدِ ومرواس = النادر اللي فوق الامجاد جايل
عقدِ من اللولو وعقدِ من الماس = قب المهار المسرجات ألأصايل
[/poem]
وسلامتكم