يالطيـف الـروح طـولـت الغـيـاب

[جنوبي نجد]

هذه أول مشاركة لي في قسم الشعر النبطي
أتمنى أن تنال على إستحسانكم


يالطيـف الـروح طـولـت الغـيـاب = ليـه غايـب عـن عيونـن ترتجيـك

تدري إن بعدك علـى قلبـي عـذاب = آه ياقلـبـن مـصـيـره فـــي يـديــك

من غيابك صرت فالدنياء مصاب = ومالقيـت عـلاج لـيـه غـيـر فـيـك

زاد شيب الراس في وقت الشباب = والهمـوم تقـول ياحسـبـي علـيـك

مـنـت لاقــي لاســؤال ولاجــواب = عنـد قلبـن يـوم حبـك مـات فـيـك

قلت صار الحب في عيني سـراب = والحقيقـة شـوق قلـبـي يحتـريـك

أنــت تـعـرف ماتحمـلـت الغـيـاب = أرحـم المـجـروح يـرحـم والـديـك

[فخر أهلها]

حياك الله جنوبي والمعذره على النقل



الاول انك لم تكتب باسمك الصريح والقسم اللي يشترط فيه ذلك

الثانيه ان القصيده منشوره بتاريخ سابق في منتدى اخر باسم عبدالمجيد الجميلي

اذا كنت انت هو الرجاء التوضيح واذا لم تكن نرجو حفظ حقوق الشعراء وذكر صاحبها في نهايتها

تقبل مروري

[جنوبي نجد]

فخر أهلها صح بدنك

وأنا عبدالمجيد الجميلي

[فخر أهلها]

حياك الله عبدالمجيد

ونتمنى تغير معرفك حتى يتم اعادة القصيدة للشعر النبطي ليتسنى للجميع الاستمتاع بها

واذا اردت البقاء بالاسم المستعار فحياك الله

شاكره لك

[كاسب العز]

جنوبي نجد

صح لسانك وقلبك

لاهنت

[جنوبي نجد]

كاسب العز صح بدنك