قصيده للشاعر طلال السعيد ويقال انها للشاعر حمد بن ذيب والاول ارجح
وأعجابي بالقصيده هو سبب نقلها لكم اتركم مع القصيده
[poem=font="simplified arabic,6,black,bold,normal" bkcolor="transparent" bkimage="http://www.g111g.com/vb/mwaextraedit2/backgrounds/7.gif" border="none,4," type=0 line=0 align=center use=ex num="0,black""]
يا عين يا اللّي نومهـا مـا هناهـا=لا زلّ ثلـث اللّيـل جاهـا عنـاهـا
قامت تهلّ الدمع من جور مـا بهـ=اعبايـراً تجـرح خـدودي بمـاهـا
عبرت رضيع ٍ فاقـد ٍ شوفـة امُّـه=ولاّ خـلـوج ٍ ذابحـيـن ٍ جنـاهـا
ولاّ يتيـم ٍ فـي ولايــة خـوالـه=روحه بيد مـن لا رحمهـا ولاهـا
ولاّ سجيـن ٍ صكّـو البـاب دونـه=حال السقف من دون شوفت سماهـا
وان قلت انا : يا عين يكفي تصبري=يكفي ترا ما صـاب نفسـي كفاهـا
لا تسِهِريـن المبتلـي يـا حزينـه=خايف على العين العما مـن بكاهـا
ردّت علـي و حيّرتنـي و قالـت :=مـن طاعتـه عينـه لمنـه نهاهـا
و راي الوم العين ما الوم قلبي ..َ!!=و القلب سبّة سهرهـا مـع شقاهـا
و اصبحت انا متحيّر ٍ فـي عذابـي=و ما لي بشكوى الحال مما وزاهـا
و شكيت همّـي للجبـال الرواسـي=و لكن ونين القلـب كسّـر صفاهـا
و شكيت همّـي للبحـور الغزيـرة=و من ساع سمعت ونّتي نشّ ماهـا
و شكيت همّـي للهبايـب و قفّـت=و عجزت تشيل هموم قلبـي معاهـا
و شكيت همّـي للفجـوج الوسيعـة=و لكن ونين القلب ضيّـق فضاهـا
و شكيت همّـي للنّجـوم السـواري=و لكن ونين القلـب غطّـا ضياهـا
و شكيـت همّـي للّيالـي الطويلـه=و الصبـح بـان و ونّتـي مبتداهـا
و رحت اشتكي للشمس من حُرّ مابي=و الشمس غابت من خـلاه بخلاهـا
و تساوت الاظلام و النـور عنـدي=ما عاد اميّز صبحهـا مـن مساهـا
ما لي جدا الا بـس دمعـه و ونّـه=و ابكي بكا اللّي حاجته مـا قضاهـا
ابكي من الحرمان و اشكي من الجفا=و جروح روحي مـا لقينـا دواهـا
و اعظ سني في بهامي مـن النـدم=و تلعب بي الحسره على ما طراهـا
و اقنب قنيب الذيب و اعول عويلـه=لمـا تكامـل عبـرت ٍ جـا سواهـا
كلّه سبـب مـن لاعنـي بالمـودّه=و قفّا و اخذ روح ابن ذيب خذاهـا
عذّبني المجمول و احرق ظمايـري=و حطّ بحشاي جروح ٍ تنزف دماهـا
خمـس سنـوات بالدقيقـه نعدّهـا=والاّ لطيف الـروح يمكـن نساهـا
لا وا عذابي مشتقـي بـه فـؤادي=و الروح من تحت المحنـا سباهـا
خل ٍ شريت القـرب منّـه بروحـي=عرّضت له روحي و هو ما شراهـا
و انا اللّي ارخص كل غالي من اجله=وايلا طلبتـه عـازه ٍ مـا عطاهـا
علـي شحيـح شـح زود نــداده=و زوّد على كبـد المولّـع ضماهـا
و ألهب على قلبـي بنـار المحبـه=و تسعين عرقـات ٍ بكبـدي كواهـا
و يشوف حالي ما يهوّن مصيبتـي=حسبي عليه ايش لون نفسه قواهـا
هذي سبايـب مـن برانـي بـودّه=ولا رحـم روح ٍ بوصلـه شفـاهـا
و ترجمت ونّاتي بمعنـي قصيدتـي=و ارجي عسى يبكي لها من قراهـا
و يقوله اللّـي حطّـم البيـن قلبـه=يا عين ياللّـي نومهـا مـا هناهـا[/poem]
رد مع اقتباس
