السلام عليكم ورحمه الله وبركاته ..
طلبت مني الدكتوره اني اقدم حلقه عن مفهوم الحيوانات الأليفه والمفترسه ..
وكمان اعمل وسيله تتعلق بهذا المفهوم ..
بس مااااعرف بالضبط كيف ابدا ممكن مساعده ..؟
وشكرا لكم ..
السلام عليكم ورحمه الله وبركاته ..
طلبت مني الدكتوره اني اقدم حلقه عن مفهوم الحيوانات الأليفه والمفترسه ..
وكمان اعمل وسيله تتعلق بهذا المفهوم ..
بس مااااعرف بالضبط كيف ابدا ممكن مساعده ..؟
وشكرا لكم ..
و عليكم السلام ورحمة الله وبركاته
مفهوم الحيوانات الاليفة والمفترسة
فكرة على السريع
تبدأي بسؤال ما معنى الكائنات الحية
وبعدين تقولي أيش يعني حية>>>>>> ولكل سؤال لازم جواب
وتحاولي تقربي المفهوم
تاكل وتشرب وتنمو وتتنفس وتتكاثر وهكذا
وتقولي لهم طيب مين اللي يتنفس
الانسان
ومين كمان؟
الحيوان
ومين كمان؟
النبات
وتجيبي صور لكل نوع
بعدين حتقولي اليوم حنتعرف على الحيوان
وتذكري عالسريع زي البسة والحصان وووو
وبعدين تدخلي للموضوع
طيب كل الحيوانات تقدر تعيش معانا في البيت ؟ أيش رأيكم أجيب أسد في البيت<<<<< هدا الاسلوب يجعل في الفصل روح فكاهية ويخلي الطفل يروح بالافكار
طبعا حيقولوا لاء
طيب أجيب بسة في البيت؟
وهكذا
وبالنسبة للمجسم
ينفع كلوحة اعلان وينفع تطبيق عملي للدرس
مجسم عبارة عن فلين تغطي بقماش جوخ أو البساط اللي يجيك لونه أخضر
وبعدين تعملي مكان غابة وهي عبارة عن أشجار
تعملي الاشجار بواسطة الجذع بواسطة عيدان الاسنان والورق بنفس البساط أو القماش الاخضر
وممكن تعملي بركة موية (بحيرة )قماش جوخ أزرق
في جهة تانية تسوي مثل الاسطبل بالعيدان الخشبية وحظيرة وكوخ أو بيت
تجيبي مجسمات للحيوانات المفترسة والاليفةوتقومي طالب طالب ويحط الحيوان في مكانه المناسب
وتنفع في الركن الادراكي
(أحاول أنزلك الصور إذا قدرت بإذن الله
وبشرينااااااااااااا
وأسفه على الاطاله
مشكوووووره الله يوفقك يارب ..
ويسعدك دنيا وآخرهـ ..
مشكورة أفدتيني كثير
صراحه الله يعطيك العافيه ياالساعه الرمليه فكره رائعه شكلي حطبقها مع اولادي دحين الأجازه مشكله انه قاعدين بس مافي نشاطات بحاول اعملهم برامج ونشاطات ساعدوني لو عندكم افكار اخرى
يعطيكم العافية مدخل رائع لموضوع الحيونات الاليفة والمفترسه بس فين صور مساكن الحيوانات
شكرا لكم
اللهم صل على محمد وعلى آله وصحبه أجمعين
الذين يشاهدون الموضوع الآن: 1 (0 من الأعضاء و 1 زائر)