جنوبي نجد وينك غايبً عن ساحة الميدان ....

[دامح الزله]

[align=center]السلام عليكم ورحمة الله وبركاته

اسعد الله مساكم بكل خير

يسعدني ويشرفني ان العب مع الشاعر : جنوبي نجد ..


استلم البيت :

سلام الله عليكم والهدف واضح من العنوان
انا حربي وربـعـي فـعـلهـم بالحرب حـرابه

جنوبي نجد وينك غايبً عن ساحة الميدان
يقولون العرب في ساحل ابحر نوخ اركابه



[/align]

[زياد11]

الله يعطيك العافية يدامح الزلة شاعر مبدع
ولايهون جنوبي نجد (( من طول الغيبات جاب الغنايم

[دامح الزله]

الله يعطيك العافية يدامح الزلة شاعر مبدع
ولايهون جنوبي نجد (( من طول الغيبات جاب الغنايم

زياد11

ياهلا حياك ربي

تشرفنا بوجودك وابشر باغنايم

لك مودتي

[جنوبي نجد]

هلا بالشاعر الي ثبت الحجة على برهان * وأنا حاضر وربعي للوفاء والطيب كسابة
تغيبنا ضروفن مانحسب أحسابها يافلان * عسى الله لايحدك للبحر مثلي وتبلابه

[دامح الزله]

[align=center]

صح لسانك

واعتذر على التأخير


نبي نسيري ونورالصبح يالشاعرعلينا بان
تحيزم ياولد عمي وفعل الطيب تحرابه

على دربي تبي تمشي كفو ياقايد الفرسان
يموت الطير ماياكل ياغير بكف مخلابه



[/align]

[جنوبي نجد]

أنا جاهز ولاني خايف ومتردد وحيران * ولاني حاسب الي يهرج الكلمة على أعصابه
عسى برق الحيأ ينزل منه صوب العرب ودان * يالين أشوف دارن حبها قلبي تحلابة

[سـامـيـه]

دامح الزله / جنوبي نجد
ابدعتو وامتعتوا
واصلوا احنا معكم متابعين
صحت السنتكم ودام عزكم

[دامح الزله]

دامح الزله / جنوبي نجد
ابدعتو وامتعتوا
واصلوا احنا معكم متابعين
صحت السنتكم ودام عزكم

ساميه

حياك ربي

تشرفنا بمتابعتك

وجودكم هوالابداع لايكمل بدونكم

[دامح الزله]

[align=center]
استلم البيت

مادامك ماتعرف الخوف تحمل شبت النيران
كلام الناس له ميزان وباكر يعرض احسابه


على طاري سيول الاوديه في زحمة السكان
عسى الله يكشف الجاني وكل الناس تدرابه


[/align]

[جنوبي نجد]

ترى النيران ماهمت رجالٍ بالقى شجعان * ولاكن غير الموضوع يمكنك تهقوابه
ترى ماجاهم ألا فعلهم في ماضي الأزمان * وهذا الي كتبه الله على الجاني مع أحزابه

[ابومسواك]

صحت السنتكم ياشعار
قاف رائع ولعب طرب
الله يعافيكم وعلى القوه
متاااااااااااااااااابع

[جنوبي نجد]

صح بدنك ياأبو مسواك ولاهنت

[دامح الزله]

استلم البيت


ابيك تشبها وانته تحط من الحطب عيدان
مواضيعي حسبت احسابها من قبل مبدابه


اشوف الوضع مايفرق عن اللي عايش بلبنان
تـعـيـش احـزاب لـكـن دارنا مانرخص اترابه

[دامح الزله]

صحت السنتكم ياشعار
قاف رائع ولعب طرب
الله يعافيكم وعلى القوه
متاااااااااااااااااابع

ابومسواك

صح بدنك ولاهنت على المتابعه

نسعد بوجودكم ونقدر ردودكم

[جنوبي نجد]

خويي ياجماعة خير لعلوم الحياء شفقان * ولاكن مالقينا منه موضوع أنتسلابه
عسى ربي يحقق نصرنا من ناحية جازان * وأنا جندي من جنود الوطن والدين نرضابة