تحيه للجميع
الى الاحباب والاصحاب لعل وعسى
[poem=font=",6,blue,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
ليت الزمن ما يغيّب عني احباب=وان غيّب احباب عيني لي يردون
اغياب بعض البشر ما كنه اغياب=لو غاب عني دهر ما باح مكنون
الغيبه الذابحه غيبات الاصحاب=اللي علّي وعلى مملك يمونون
ما ني بقاوي وجرح القلب ما طاب=الحال يعلم بها الله دون في دون
ان قلت بصبر وبنسى صرت كذاب=اشوفهم في خيال وحلم ياتون
لا سكرو باب بفتح لرجاء باب=العذر مقبول والغلطات بتهون
اصدق واصادق واحب ونيتي كتاب=بيض النوايا صحايفها ويدرون
واللي جمعنا وفرقنا بلا اسباب=طول المدى ما محى صاحب ومضنون
لا هان قدر الخوي بحضور وغياب=واحباب عيني عساهم لي يردون
[/poem]