السلام عليكم ورحمة الله وبركاته
عوده لكم /اخواني :اخواتي بهذه القصيدة
ابتسم ياليل مولدها وخلك ليل عيد
وافتخر بنفاسها ياشمع لو انك طفيت
ابتهج باحساس ياشعري وغرد ياقصيد
وانحني للفاتنه يابيات شعري بيت بيت
استعدوا ياحضور الليلة المشهد فريد
اسمعوني ودي اوصفها لكن بليز ويت
ودي اوصفها من الشريان لحد الوريد
واعذروني لو انا بوصافها عنكم سهيت
رمشها وعيونها عنوان للموت الاكيد
والشعر كنه سكون الليل والغرة مبيت
خدها ورد الصباح اللي ينادي كل جيد
واهتزازت جسمها دقات قلب اليا جريت
الشفايف جمرتين وخلف مبسمها جليد
والخشم سلة مهند حده المغمد يميت
الجبين انوار برج دبي باليوم الجديد
والحواجب من كسلها للعيون تقول جيت
عنقها شامخ مثل ما مات صدام الفقيد
اتحدى كل منهو شافها ينطق ياليت
يصبح اذكى الأذكيا لو شافها يوم البليد
وكل مخ العبقري لوشافها يعمل ديليت
صوتها من رقته لو يسمعه ذاب الحديد
والجبل حتى الجبل لويسمعه قال استويت
كنها لاجات تمشي كن بالخطوات قيد
وكنها لا وقفت باوصافها تشبه جنيت
اسمها لو كنت بالغربه وعن دارك بعيد
ثم حن القلب للرجعه وبالغربه بكيت