بسم الله الرحمن الرحيم
أخواني أخواتي أعضاء منتديات غرابيل الإداره الواعيه
السلام عليكم ورحمة الله وبركاته
قبل البدايه ونعم بالبدو ونعم بالحظر
يسعدني أن أكون بينكم من خلال هذا المنتدى الشامخ بشموخ أعضائه سوف أحرص على تواجدي معكم بصفه دائمه أقدم لكم أول نص وأول مشاركه لي معكم أمل أن ترقى لذائقتكم الشعريه وترتقي لشموخ هذا المنتدى بكل مايحويه من جمال في جميع الأقسام
وأتمنى أن يكون الجميع بأتم صحّه وعافيه
[poem=font="Simplified Arabic,7,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ألايالله طلبتـك يإلهـي وحــدك المعـبـود=أبطلب عطفه ولطفه عضيـمٍ عالـيٍ شانـه
ألا يامنجيٍ ذالنون يومـه حسبـت المفقـود=ببطن الحوت تسبيحه ويدعي اللّـه سبحانـه
ألا ياسامعٍ دبيب نمـلٍ فـي صفـا الجلمـود=ألا ياللّـه تساعدنـا لياجـا النفـس ديّانـه
إليامن دنّو الأنعاش جالك يومـك الموعـود=دناموتـك وجسمـك يافتـى لفّـوه بأكفانـه
نزلت بمنزلك وحدك وصف الطوب فوق لحود=يخاويك عملك ياللّه عسى الأعمال صلحانـه
ألاياللّه تنجّينا عذابـك يـوم ناتـي حشـود=بيوم يشيب فيه الطفل لهولٍ شافـت أعيانـه
وتجعلنا من أصحاب الجنان وطلحها المنضود=وتحسـن خاتمتنـا يألـهٍ خالـق أكـوانـه
يقول اللّي بزينات المثايـل يبـذل المجهـود=إليامنّه نوى كتب القصايـد تعـزف ألحانـه
تلاعبت بمعانيها كما المسبـاح بيـد العـود=يلّوحبه شمال يمين ونـوب يطشّـه إوزانـه
تنقّيت الجـزل ولا الهـزل ياتيـك بالمنقـود=وأنا من عادتي نفسي على الجزلات ولهانـه
إليامنّي نويت أكتب أسمّي والبيـوت تـزود=وأنالامن عطيت إيعاز قـف يختـل شيطانـه
ولاحسبت للمعنى وأنا لي نهجـي المعهـود=ونهجي واضح ويمناي دايم تعشـق إسمانـه
تحياتي لكم بأحلى الجمل تضفي على الموجود=تحيّه حاتميّه فـي بيوتـي أحسـن إتقانـه
لفتكم من جبل حاتم شماليه إلى أهل الجـود=من بيـوت القنيّـاوي سحابـه هـل هتّانـه
ألا ياهيه يالطايش علامـك جيتنـي مشـدود=تقول إنتم بدو وأقول عـزّي شـوف بدوانـه
نعم حنّا بدو حنّـا بـدو دايـم بهـا نـزود=بدو من عهد حاتم لين يومك نجنـي أثمانـه
نهلي بمن تنصّانـا ونفـزع دوم للمضهـود=بداوتنـا أصالتنـا بيـوتٍ فـوق عمـدانـه
بدو نشفق على الضيفان ونهلّـي بلياحـدود=سلومي حافضه في عهد أبوي وعهد جدّانـه
بدو نشفق على فياضٍ خليّه مابها ألا الـذود=بقاعٍ مختلـط عشبـه خزاماهـا وحوذانـه
بدو فينا الشجاعه والشهامه والوفاالمشهـود=بدو وعلومنا تحكى مـع الأجيـال بأزمانـه
بدو فينا الحميّه كيفنـا بـنٍ يخلطـه عـود=وهيله هنـدي وزاده أبوشيبـه حـلا ألوانـه
بدو والطيب نطلعله ولو الطيب فيـه سنـود=ولاكن من سعى للطيـب دوم تنولـه أيمانـه
بدو كلمة بدو تعني شهامه مع وفـا ممـدود=مع حميّا شجاعه طيب عزّة نفـس عنوانـه
بدو نحمل تقاليـد وعوايـد كاسبيـن الفـود=بدو ونفوسنا دايم علـى الفزعـات شفقانـه [/poem]