بسم الله الرحمن الرحيم
السلام عليكم ورحمة الله وبركاته
للتواصل اضع بين ايديكم هذه المتواضعه اتمنى قبولها كماهي
,,,
ياللي غلاتك كنها النير
قلبي تعب من كثر نوحه
لو ان حبك داخلي غير
لابد ماتهدم صروحه
تعبت من كثر المشاوير
والفايده جيه وروحه
مشكور واشوفك على خير
ماشي وطالبك السموحه
واليا افترقنا خير ياطير
كلٍ يبي ينسى جروحه
اهم شي ماصار تقصير
من شاعرك ياروح روحه
ماكنت ناوي للهجر مير
هذي ليالينا الشحوحه
نمشي وهي تعكس لنا السير
وتمشي بنا من غير لوحه
تبطش بنا من دون تحذير
وتقص البنادم عن طموحه
,,,
وسلامتكم