ارجوك لاتسأل وتنشد عن الحـال
وارجوك لاتكـرر عليـه سؤالـك
تعال شوف الحال وتشوف الاهوال
تاتشوف حالي كيف ناحـل وهالـك
عرضتني درب الخطر واشهب اللال
وردتني بيـر الضمـى والمهالـك
واسقيتني من مرك اليـوم فنجـال
وحرمتني يازيـن صافـي دلالـك
نسيت يوم انـك ضمايـاك تجتـال
تايه ماتدري وين سايـق جمالـك
وردتهـا /عـداً /ولاجـاه/ نـزال
قبلك ولا بعـدك واخذتـه حلالـك
وبنيت لك في عالي القلب منـزال
وسكنت بركونه وحيـد(ن) لحالـك
غرتني الضحكـه وسكبتـك لشـال
يامخفياً شينـك ومظهـر جمالـك
كنت احسب اني معك بحقق امـال
ياللاسف خذلـت قلبـاً وفـى لـك
(شمت فيني كـل حاسـد وعـذال)
وصدقت فيني واشياً قد حكـى لـك
واليـوم ياضالـم تكبـر وتختـال
ماكنـك الا مـن حفيـد الممالـك
لكن والله كان فيـك العمـر طـال
انك لتصفق فـي يمينـك شمالـك
تنـدم علـى مافـات وتبكالاطـلال
وترجع علي وتقول ابغى وصالـك
واقول فات الفوت ياشيـن الافعـال
دور علـى غيـري وادور بدالـك
بالله لاتنشد وتسـأل عـن الحـال
تعال شـوف الحـال لازان حالـك
الله الله الله
هذا القصيد اللي يرد الرووووح
صح السانك مليار يابن روق ..
امتعت وابدعت بهالعذبه
لاهنت
برااايفت ( اسمحلي بنقلها )