..
نتواصل معكم بالشي البسيط نرجوا أن ينال الاعجاب .
[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الله من سوقٍ يثير التشاكيك=من غير بسطاته يحرج حراجه
ناسٍ معانيها تخالف معانيك=في ساحته شفت الوزى والسماجه
روابعك ترمي والايام ترميك=لوكان مالك في شفا السوق حاجه
حب التطلع منحني في محانيك=تقول ليلٍ حاف برده عجاجه
وانا احمد اللي يكتب الرزق ويجيك=اللي صرف فكري وبدل مزاجه
وين انت ياللي مشغل البال طاريك=يامن لابست وسام حبي وتاجه
شفني على حاضرك جددت ماضيك =انحر جمل ماني بذابح دجاجه
الفكر في لاماك والقلب يرجيك=داو المريض اللي وصالك علاجه
تعال ياللي تحضن القلب اياديك=البال من عقبك معقد حجاجه
شيٍ طبيعي يوم اديرك واراعيك=فيك الوفاء قبل الدلع والخناجه
مزيون وصغير وكل الحلا فيك=شمعة فتيله هادئه في زجاجه
من حيث مالقيت عقلي يباريك=ناج الخفوق المنحرم منك ناجه
جم المشاعر من محبه يساقيك=يسقيك عذبه ماسقاك بهماجه
تكمالة الايام ساعات الاقيك=الله لا يقطع نهار المواجه
[/poem]