[poem=font=",6,black,bold,italic" bkcolor="transparent" bkimage="" border="none,4," type=1 line=1 align=center use=ex num="0,black""]
الشعر له في راس مشعل طواري = وأليا طرى طاريه .. طاعت قوافيه
يطيع لي بيت القصيده إجباري = ويسابق المعنى ليا حل طاريه
يجي على كيفي وحسب أختياري = ويفز لي بيت الشعر يوم أناديه
وأليا توحى عزوتي في مشاري = جتني طوابير الشعر قبل ما ادعيه
شاعر وراسي فوق صعب أنهياري = وأحب فتل البيت وأدفن معانيه
أسري على الشعار والليل ساري = واللي يعاند راس مشعل يسريه
راسي على تمحيص الابيات ضاري = وشعري على جزل القوافي مضريه
مكانتي فالشعر طب استشاري = ومعي حصانة شعر ضد المشاريه
مغرور صح أقولها بأفتخاري = شاعر وأحبك البيت بالوزن وأبنيه
ينصاع لي بيت الشعر في مساري = وأنا معه مانيب جاهل مباديه
بالمختصر ياناس صعب أختصاري = صعب أختصاري حيل ماقدر اوفيه
ويامزعج الشعار منته بداري = أرسلت لك في وسط الابيات تنبيه
ماني على شرواك ناقد وزاري = ماهي رخامه بس راسي معليه
خلك تدور من يمين ويساري = تتعب و ولد اللاش تقصر خطاويه
الاوله قلنا حذاري حذاري = احذر وحاذر وأحتذر لاتسويه
والثانيه جنب ذياب الغداري= لاتحسب إن العلم سهل(ن) تخطيه
والثالثه ضرب الفشق من عياري = راع الردا بعد الحذاري نجازيه
وأليا جرحتك جرح ماهوب باري = صعب(ن) على طب المداوي يداويه
هاذي ثلاث اشياء بعين أعتباري = وكلامي اللي جاك لايمكن أثنيه
[/poem]
رد مع اقتباس
المشاركة الأصلية كتبت بواسطة بندر النايف
(الحزن الرغيد)
