[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ارتاح ياللي ودك أعيش الاحزان=ماضاق صدري من الحزن ربع ساعه
ولو كنت في حبك على حد الادمان=عندي على حزن المفارق مناعه
واكبر دليل وشاهد وخير برهان=اقدر على بعدك وعندي استطاعه
أبيعك فلحظة تجلي ولا كان=وأرسم لمستقبل حياتك ضياعه
لاتقول بان الحب يعمي بالاعيان=واللي يحبك سهل تلوي ذراعه
يمكن حكيك يفيد في بعض الاحيان=لاكان باسلوبك تميز براعه
لكن تراني غير عن كل انسان=ومثلي وربي صعب تقدر خداعه
قد جربوا غيرك من الغيد خلان=واتشبعوا بعد المواصل مجاعه
لاتقول لي بتخسر ولاتقول ندمان=وأكبر ندامه ان قلت سمعن وطاعه
وان جت على الخسران مانيب خسران=مدام ربحي في حياتي قناعه
والحين جاء دور الموادع والاحزان=عش جوها طول العمر كل ساعه
ومن قبل لااقفي وياخذ العقل نسيان=بعطيك درسن فى الهوى والتياعه
في عالم العشاق مايجدي ضمان=واذا سمعت بجكي عده اشاعه
وراع الخليل بصدق راعه بالاحسان=ومثل ماودك بالمراعاة راعه
وتراك لو تبقى واذا اقفيت سيان=لاطحت من ناظر خليلك وباعه
حبك على من سام برخيص الاثمان=واصبحت بعد العز في حفر قاعه
وش حيلتك لاصرت بحدود الادمان=ومابك على حزن المفارق مناعه
الا الرضى باللي حصل ويش ماكان=أو تدعي بالزور كسب القناعه
[/poem]
رد مع اقتباس
