,
,
,
أسعد الله أوقاتكم بكل خير
قصيده اتمنى تنال اعجابكم,,,
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
اسمع ندا قلبي يناديك ياهيه=موجات صوته ماوصل لك صداها؟
نبضه يترجم لك احساسه ويبديه=ون زاد نبضاته ونينه قفاها
والله ماغيرك من الناس يعنيه=ياروح روح الروح غاية مناها
دخيل قلبك قلبي اهتم لي فيه=لاتعلق امالي كذا في رجاها
طول الامل صبره نفد يامعنّيه=ومن يقنع اشواقي تداري هواها
انا تعبت من العتب والمشاريه=من عقب ماكنت بوفاه اتباها
وربي تعبت ولابقى دربن امشيه=الا ومشيته لجل اقنع جفاها
يخف عني من قساه وتجنيه=ويعتق رضا اللي كان وصله رضاها
ياقلب قلبي عاني القلب عانيه=يبكي الم ويقول مابي سواها
ياكبر هقواته وياكثر امانيه= دخيل قلبك حس به لا تساها
ياما سألني القلب وش فيه وش فيه؟=وش فيه يسلب فرحتن قد عطاها
ووش فيه متغير علينا بمباديه=ويبني حدودن قبل ماقد بناها
واقول ياقلب العنا ناد ياهيه=لعلها في يوم تسمع صداها
[/poem]
,
,
وسلامتكم