السلام علاكم
وشلون احوالكم واللي حواليكم
اليوم جايب لكم صور حلوه ماهي صور بر ونيااااااااق
يوم الاربعاء يوم صحيت بعد العصر ويوم جيت في المجلس لين هاللحيه الغانمه سعود ولد اخوي هذا جالس يصلي
ومير امسكه وارصه بكف :)
ليش ماصليت مع الجماعه قال انت توك ماصليت لا مع الجماعه ولا بالحالك
ولين ماعاد لي وجه قلت ليش ماصحيتني للصلاه قال معك جوال توقته على الدوام كل يوم
ومير لين ماعاد لي وجه اناقشه :)
قال اجلس بس اصب لك القهوه
قلت بعدي ايه كذا انت احسن واحد قهو عمك انا ودي اسوي فيه مثل مايسوي عمي في :)
ومير يقعد يصب علي القهوه لينه ارفل ماش تو ماتعلم :)
قلت الحين تنكب عليه ثمن اتورط به ومع ابوه وامه :)
ويوم صب لي فنجال قال عمي
قلت نعم وش عندك ياسعيدان قال انا ودي احج :)
قلت تحج اذاحجت البقره على قرونها :)
قال متى
قلت هذا هو اللي محير عمك ياسعود :)
وانت الحين ماصليت الفرض توك ماهو تبي تحج بعدين الحج تو مابعد جاء
قال طيب ودي اروح للكعبه
وبعد ماحققت معه وجدت اخته رحاب ناجحه وانا موعدها اذا نجحت امشيها وهو وده
يروح معنا :) ذكي هالولد الله يستر عليه (اذكرو الله ) هع يبي يقول ابي اروح معكم بس مايدري كيف :)
قلت ابشر ياسعيدان قم جهز عفشك واستأذن من امك وابوك وهات ورقه وتعهد منهم انهم سامحين لك واركب :) صارت عسكريه ماهي تمشيه
المهم وينقز ويرجع قال خلاص عمي مشينا قلت يالله
واخذه واخذ بعض العائله ونتوجه الى مكه
طبعا كانت بداية المشوار بالليل يعني ماصورت مع الطريق شي
لين وصلنا الصباح الميقات وصورنا هالصوره
وهذه صوره اول مادخلنا مكه المكرمه
ويوم وصلنا الحرم شفت المنظر من الحمام وصورناه
ثمن هذه صوره للمسجد الحرام من الخارج وهم جالسين يشتغلون في توسعته
وهذه لقطه اخرى
ثمن هذه لقطه للكعبه الشريفه
وهذه لقطه اخرى
وهذه لقطه اخرى
وهذه صوره لمقام ابراهيم عليه السلام
وانتهى ماعندي :)
وعلى اللقاء بكم في صورا اخرى :)
تحياتي لكم