[poem=font=",6,darkblue,bold,normal" bkcolor="white" bkimage="" border="double,4,darkblue" type=2 line=0 align=center use=ex num="0,black""]
طريتي ما دريتي في خيالي والعباد هجوع = وانا والله يوم اني ذكرتك سالت دموعي
ذكرت الي بدى منك فريد الحسن ماله نوع = عجايب قدرة الخالق وقلبي منك منزوعي
عرفت ان العشق ذابح وقلت العشق لي ممنوع = ولكن دارت الايام وصار العشق مشروعي
عشقتك سيدة فكري عطيتك قلبي المنزوع = عطيتك كل ما فيني تفاريقي على جموعي
انا الي كل ما امشي اشوف ان الجبال تزوع = وانا باقي على حالي ودايم ذابحٍ روعي
اخذت من العمر ذكرى على شان العمر مقطوع = واخذت من التعب راحه عشان اريّح ضلوعي
مشيت بعالم الغربه اردد يا زمان الجوع = وش الي صايرٍ بعدي اشوف الحق مرفوعي
توقعت العرب تعرف تفرق كوع ولا بوع = ولكن ضاعت الطاسه وبعض الناس مرموعي
وصدفه شافتك عيني ياجيدٍ بالحسن مصنوع = وحبيتك امر قلبي وقلبي اتبعه طوعي
وهبتك كل ما فيني كياني حالي الموجوع = يا اجمل ما خلق ربي واجمل صوت بسموعي
يا بخته يا نسيم الصبح من صبح بمثلك نوع = عجايب قدرة الخايق ياجيدٍ حسنه يروعي
[/poem]