اقام ماجد الحثربي من الخرصه من شمر عند سعدون بن عريعر معززا مكرما مده من الوقت وذات يوم خرج الى سوق للفرجه فرأى امرأه
جميله ومعها خادمه سمراء فتولع بجمالها ورجع الى مجلس ابن عريعر فوجه قصيده ينخى مشاري
بن عريعر(ابوشكر) احد اخوة الشيخ سعدون لمساعدته في امر هذه البنت فقال:
يابو شـكـر ونـيـت يوم اقـبـل اللـيـل=ولا احدن بحالي يـعـلم الله داري
ونـيـت يوم الـنـاس مـشـفـيـن بالكيل=في سوق هجر بـيـن بايع وشاري
والله يالـولا خـوفـتـي بالـدهـر مـيـل=واخاف مـن كثر الحكايا واداري
لااشيل حيلي وارفع الصوت بالحيل=واصيح وانخى طول حسي مشاري
ويأتـيـن فـوق مـشـمـر تـكـسـر الذيل=اطـرافـهـا مـا لفها اللبس عاري
والـيـا نطـحـنـي صحت ياويل بالويل=ويقول لي يالحثربي ويـش جاري
جاري علي من الذي يـنـثـر الـهـيـل=وان حط فوق الطوق زين الخزاري
راع الـتـراكـي صـابـنـي والخلاخيل=صابن عسى تجري عليه الجواري
بعـيـون طـفـقـاتـن هـدبهـن مـضاليل=تشبه عـيـون مـصخرات الحباري
وعندما سمع القصيده مشاري ابن عريعر اخذته النخوه والعزه وقال ابشر باللي نقدر عليه لو هي تحت الارض
ولكن ماهي اوصافها فقام ماجد بوصف البنت وخادمتها وعندها تقلبت وجوه الحضور لكون هذه البنت زوجة الشيخ
سعدون بن عريعر الذي كان حاضرا بالمجلس فقال احد الحضور(الطير حام على دجاج اهله)يلمح بماجد الحثربي
عندها انحرج ماجد بشكل لامثيل له من هذا الموقف وخرج من المجلس وركب ذلوله وهرب عنهم وارسل للشيخ يقول:
ياشـيـخ هـذي غلطـةٍ مابها باس=اسمح لنا ياشوق جال العـذابي
ياشـيخ يامـروي شـبـى كل عباس=اسمح لـمـقـرودٍ توهـم وتـابـي
شـواربـه مـادنـقـن يــم الادنــاس=لا بآخر الشيـبـه ولا بالشبابي
وابي منك تسـمـح لـنـا فوق نساس=نسل القريني نعقبه بانسحابي
ابي امغطه مع سـهــلةٍ تيبس الراس=غدرانها بالقيظ زامي السرابي
وفعلا مغط جمله نساس هاربا عنهم بعد هذه الحادثه المحرجه ..ههههههههه
رد مع اقتباس
